Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub. Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib. 1940-cı ildə Azərbaycan SSR Nazirlər Sovetinin qərarı ilə Əmək Ehtiyatları İdarəsi yaradılıb və texniki-peşə təhsili müəssisələri həmin idarənin tabeliyinə daxil edilib. Hökumətin qərarı ilə həmin idarə əsasında 1959-cu ildə yaradılan Dövlət Texniki Peşə Təhsili Komitəsi 1988-ci ilədək fəaliyyət göstərib. Eyni zamanda Azərbaycan SSR Nazirlər Sovetinin qərarı ilə 1959-cu ildə Ali və Orta İxtisas Təhsili Komitəsi (1964-cü ildə Ali və Orta İxtisas Təhsili Nazirliyinə çevrilib) yaradılıb. Respublikanın ali və orta ixtisas məktəbləri bu qurumun tabeliyinə verilib və Ali və Orta İxtisas Təhsili Nazirliyi 1988-ci ilədək fəaliyyət göstərib. Ümumiyyətlə, 1959-cu ildən 1988-ci ilədək Azərbaycanda təhsillə bağlı 2 nazirlik və bir komitə (Xalq Maarifi Nazirliyi, Ali və Orta İxtisas Təhsili Nazirliyi, Dövlət Texniki Peşə Təhsili Komitəsi) fəaliyyət göstərib. 1988-ci ildə Azərbaycan SSR Nazirlər Sovetinin qərarı ilə hər üç nazirlik ləğv edilərək onların bazasında Xalq Təhsili Nazirliyi yaradılıb və nazirliyin strukturu təsdiq olunub. Azərbaycan Respublikası Prezidentinin 3 sentyabr 1993-cü il tarixli sərəncamı ilə Xalq Təhsili Nazirliyinin adı dəyişdirilərək Təhsil Nazirliyi adlandırılıb. Azərbaycan Respublikası Prezidentinin 1 mart 2005-ci il tarixli fərmanı ilə Nazirliyin Əsasnaməsi təsdiq edilib.
External link for Elm və Təhsil Nazirliyi - The Ministry of Science and Education
Khatai prospekt
49
Baku, Baki, AZ
Elm və Təhsil Nazirliyinin İnsan resursları şöbəsi tərəfindən nazirliyin əməkdaşlarının iştirakı ilə “Biz Birik” şüarı altında komanda quruculuğu tədbiri keçirilib. #ElmVəTəhsilNazirliyi #EduAz Ətraflı: https://lnkd.in/e5u9KkDX
Elm və təhsil naziri Emin Əmrullayev 29 noyabr tarixində Neftçala şəhərində vətəndaşları qəbul edəcək. #ElmVəTəhsilNazirliyi #EduAz #VətəndaşQəbulu Ətraflı: https://lnkd.in/e7Cen_mR
Oktyabrın 28-də elm və təhsil naziri Emin Əmrullayev “Maarifçi” tələbə-məzun təcrübə proqramının ikinci mərhələsinin iştirakçıları ilə görüşüb. #ElmVəTəhsilNazirliyi #EduAz #Maarifçi Ətraflı: https://lnkd.in/eGsD6n_H "Maarifçi" Tələbə-Məzun Təcrübə Proqramı
Elm və Təhsil Nazirliyi, eləcə də tabe qurumlarının əməkdaşlarının davamlı inkişafı və müasir çağırışlara hazır olan kadrların yetişdirilməsi məqsədilə həyata keçirilən “Danışır təcrübə” layihəsi davam edir. Ətraflı: https://lnkd.in/euc96ybf #ElmVəTəhsilNazirliyi #DanışırTəcrübə
"Elsevier" və "Clarivate" şirkətlərinin ilk dəfə birgə həyata keçirdiyi 4 aylıq elmmetriya üzrə mütəxəssis hazırlığı proqramı yekunlaşıb. Ətraflı: https://lnkd.in/ev2SM-3R State Agency for Science and Higher Education
"Elsevier" və "Clarivate" şirkətlərinin ilk dəfə birgə həyata keçirdiyi 4 aylıq elmmetriya üzrə mütəxəssis hazırlığı proqramı yekunlaşıb. Elm və Ali Təhsil üzrə Dövlət Agentliyinin dəstəyi ilə "Elsevier" və "Clarivate" şirkətləri, tarixdə ilk dəfə, birgə elmmetriya üzrə mütəxəssis hazırlığı proqramı həyata keçirib. Proqramın məqsədi ölkədə "Scopus" və "Web of Science" kimi elmmetrik və bibliometrik bazaları ekspert səviyyəsində tətbiq edə biləcək mütəxəssislər yetişdirməkdir. Hazırlıq proqramına 150 müraciətçi arasından seçilən 70 nəfər iştirakçı qatılsa da, yalnız 28 nəfər proqramı uğurla bitirib və "Elsevier" və "Clarivate" şirkətlərinin birgə sertifikatını əldə edə bilib. Qeyd edək ki, proqramı müvəffəqiyyətlə bitirən şəxslər elmi göstəricilərin ölçülməsini daha dəqiq aparacaq, tədqiqatçılara ədəbiyyat axtarışlarında dəstək göstərəcək, elmi işlərin dərci üçün keyfiyyətli jurnal seçiminə öz töhfələrini verəcəklər. #EATDA #Elsevier #Clarivate #Elmmetriya
Oktyabrın 25-də Beynəlxalq Yaşıl STEAM Azərbaycan Festivalının bağlanış mərasimi keçirilib. Ətraflı: https://lnkd.in/ejih36hu #ElmVəTəhsilNazirliyi #STEAMAzerbaijan #STEAM #SAF2024 #COP29
Oktyabrın 25-də Beynəlxalq Yaşıl STEAM Azərbaycan Festivalının ikinci günündə iştirakçılar iqlim dəyişmələri və dayanıqlılıq mövzularında təlimlərə cəlb olunublar. #ElmVəTəhsilNazirliyi #EduAz #SAF2024 #COP29 Ətraflı: https://lnkd.in/eExj4MKq
Elm və Təhsil Nazirliyi və COP29 Sədrliyinin dəstəyi, “STEAM Azərbaycan” layihəsinin təşkilatçılığı ilə oktyabrın 24-də Beynəlxalq Yaşıl STEAM Azərbaycan Festivalının açılış mərasimi keçirilib. Bakı Ekspo Mərkəzində keçirilən tədbirdə dövlət rəsmiləri, millət vəkilləri, COP29 Azərbaycan Əməliyyat Şirkətinin nümayəndələri, ali təhsil və elmi müəssisələrin rəhbərləri, tanınmış ictimaiyyət nümayəndələri və digər qonaqlar iştirak ediblər. Festivalın final mərhələsində 15 ölkədən 244 komanda üzrə 900-dən çox şəxs iştirak edir. İki gün davam edəcək festival çərçivəsində 9 kateqoriya üzrə “Yaşıl təşəbbüslər”, “Yaşıl kodlaşdırma”, “Dron texnologiyaları”, “Bizim peykimiz”, “Robotların mübarizəsi”, “Gələcəyin mühəndisləri” və s. kimi mövzularda yarış və sərgi-yarışlar təşkil olunacaq. Builki festivalın məqsədi ənənəvi olaraq STEAM əsaslı tədrisin təşviqi, təhsilalanlar arasında XXI əsr bacarıqlarının inkişaf etdirilməsi, yaradıcı təhsilalanların aşkara çıxarılması ilə yanaşı, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Azərbaycanda keçirilməsi və 2024-cü ilin ölkəmizdə “Yaşıl dünya naminə həmrəylik ili” elan edilməsi ilə əlaqədar STEAM əsaslı yanaşmanın tətbiqi vasitəsilə ətraf mühitin sağlamlaşdırılması, su ehtiyatları və alternativ enerji mənbələrindən səmərəli istifadəyə dair innovativ həll yollarının, eləcə də layihələrin hazırlanmasını təşviq etməkdir.
STEAM əsaslı təhsilin əhatə dairəsinin genişləndirilməsi, təhsilalanların innovativ ideyalarının reallaşdırılmasında müasir texnologiyaların tətbiqini təmin edir. #ElmVəTəhsilNazirliyi #STEAMAzerbaijan #STEAM #SAF2024 #COP29
Elm və Təhsil Nazirliyinin və COP29 Sədrliyinin dəstəyi, “STEAM Azərbaycan” layihəsinin təşkilatçılığı ilə keçirilən Beynəlxalq Yaşıl STEAM Azərbaycan Festivalı başlayıb. Ətraflı: https://lnkd.in/e7mx478P #ElmVəTəhsilNazirliyi #STEAM #STEAMAzerbaijan #COP29