İctimai Televiziya və Radio Yayımları Şirkəti (Azerbaijan Public Broadcaster)

#wearehiring #filmeditor Vəzifə: Montaj rejissoru Vəzifə öhdəlikləri: •bütün növ və janrlarda olan teleradio proqramlarının montajının yaradıcı prosesini həyata keçirmək; •montaj-tonvermə dövründə və başa çatdıqdan sonra çəkilişlə (yazı ilə) paralel olaraq, rejissorun (redaktorun) operativ göstərişlərinə və rejissor ssenarisinə uyğun teleradio proqramlarının montajını aparmaq; •rejissor ssenarilərində təsdiqlənmış və montaj edilmiş süjetlərin (fraqmentlərin) metrajdan kənarlaşdırılması barədə bütün halları rejissora bildirmək; •bütün səs materiallarının (musiqi, replika, səs-küy və s.) montajını həyata keçirmək; •texnoloji proseslərə əməl olunmaqla montajın yüksək keyfiyyətini, həmçinin təqvim planı ilə nəzərdə tutulmuş montaj işlərinin aparılması müddətini təmin etmək; Tələblər: •Ali təhsil (dizayn, vizual kommunikasiya və kinematoqrafiya üzrə təhsil arzuolunandır) •Müvafiq sahədə ən azı 3 il iş təcrübəsi •Kompyuter bilikləri: Adobe Premiere, AVID proqramlarında işləmə bacarığı (After Effects arzuolunandır) •Kino və televiziya verilişlərin montajı Göstərilən tələblərə cavab verən namizədlər linkə keçid alaraq https://itv.az/vacancy müraciət edə bilərlər. Müraciət zamanı struktur olaraq “Montaj şöbəsi” qeyd edəsiniz, Vəzifə isə - Montaj rejissoru.

İctimai Televiziya və Radio Yayımları Şirkətinin əməkdaşları üçün növbəti “Effektiv ünsiyyət bacarıqları” adlı təlim keçirilib. İnteraktiv müzakirələrlə keçən təlimin məqsədi iştirakçılarda effektiv ünsiyyət üçün lazımi bilik və bacarıqların artırılmasıdır.

Sabah - Maroussi oyunu bu gün İctimai TV-də CANLI yayımlanacaq “Sabah” BK (Azərbaycan) - Maroussi BK (Yunanıstan) oyunu bu gün (16 oktyabr 2024-cü il) Bakı İdman Sarayında keçiriləcək. İctimai Televiziya vasitəsilə CANLI yayımlanacaq oyun saat 19:00-da başlayacaq. Tamaşaçılar İctimai Televiziyaya baxmaqla, oyunun hər anını CANLI olaraq izləyə biləcək. Oyunu İctimai TV-nin rəsmi Youtube səhifəsində də izləmək mümkün olacaq. İdmançılarımıza uğurlar, tamaşaçılara isə xoş seyrlər arzu edirik!

İctimai Televiziya və Radio Yayımları Şirkəti rejissor assistenti vakansiya elan edir. Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan hər bir uyğun namizəd bu fürsətdən yararlanıb komandamıza qoşula bilər! #itv #tvjob

İctimai Televiziyanın 19 yaşı qeyd edilib. 2005-ci ilin 29 avqustunda efir fəaliyyətinə başlayan İctimai TV-nin ildönümü qeyd olunub. İctimai televiziya və radio yayımının məqsədi ölkə əhalisinin - bütövlükdə cəmiyyətin, habelə onun ayrı-ayrı təbəqələrinin sosial, elm, təhsil, mədəniyyət, əyləncə və digər sahələrdəki ümumi maraqlarını təmin etməyə, söz və fikir azadlığını, müxtəlif baxış və əqidələri əks etdirməyə yönəlmiş, doğru məzmunlu, tarazlaşdırılmış informasiyalar hazırlamaq, bu informasiyaları müasir texniki və keyfiyyət standartlarına uyğun şəkildə yayımlamaqdır. Mərasimdə İctimai Televiziya və Radio Yayımları Şirkəti Yayım Şurasının üzvləri, Direktorlar Şurası və Şirkətin kollektivi ilə yanaşı, keçmiş əməkdaşları, qonaqlar da iştirak edib. Çıxış edənlər İctimai TV-nin nailiyyətlərini təqdir etməklə yanaşı, kollektivə bundan sonrakı fəaliyyətində də uğurlar arzulayıblar. Tanınmış müğənnilərin iştirakı ilə baş tutan konsert proqramında isə maraqlı musiqi nümunələri səsləndirilib. https://lnkd.in/eCPSm7Sg

🔸 Bu gün Fransanın paytaxtı Parisdə Yay Paralimpiya Oyunlarının açılış mərasimi baş tutacaq. Bakı vaxtı ilə saat 21:55-də start götürəcək mərasim İctimai TV və Radio vasitəsilə canlı yayımlanacaq. Mərasimdə Azərbaycan bayrağını parataekvondoçu İmaməddin Xəlilov və paraatlet Lamiyə Vəliyeva daşıyacaqlar. Ölkəmiz turnirdə 7 növdə 19 idmançı ilə təmsil olunacaq. Paris-2024 Yay Paralimpiya Oyunları sentyabrın 8-də başa çatacaq.

İctimai TV-də idman bayramı davam edəcək! İctimai Televiziya və Radio Yayımları Şirkəti bu yay tamaşaçılara, xüsusilə idmansevərlərə idman bayramı yaşatmağa çalışdı. Milyonlarla tamaşaçı futbol üzrə Avropa çempionatını (AVRO-2024) və 4 illiyin zirvə yarışı sayılan- Parisdə keçirilən Yay Olimpiya Oyunlarının ən yaddaqalan, maraqlı, rekordlarla zəngin anlarını, bütün idmançılarımızın çıxışlarını, telekanalımız vasitəsilə canlı yayımda izlədi. Medal qazanan idmançılarımızın qələbə təəssüratları canlı yayımda idman həvəskarlarına yerindən nümayiş olundu. Sevinirik ki, biz də bu tarixi anların bir parçasına çevrildik. Bir ay boyunca böyük maraqla izlənilən “AVRO-2024”ün nümayişindən sonra 18 gün ərzində gündəlik olaraq fasiləsiz minimum 15, maksimum 18 saat olimpiada həyəcanı İTV-də yaşandı! İdmançılarımızın çıxışlarını tamaşaçılarımıza çatdırmaq missiyasının bizə həvalə edilməsi telekanalımız adına böyük fəxr və qürurvericidir. Yüksək peşəkarlıq və keyfiyyətli yayımla tamaşaçıların zövqünü oxşamağa çalışdıq. Parisdə geniş heyətlə təmsil olunan 2 çəkiliş qrupumuz bu il 30 illiyini qeyd edən Gənclər və İdman Nazirliyinin dəstəyilə müxtəlif yarış məkanlarından canlı yayıma qoşularaq öz idmançılarımızla yanaşı, dünya idmanının ulduz simalarının qələbə təəssüratlarını, emosional anlarını televizya tamaşaçılarına çatdırdı.  Həm AVRO-2024, həm də Parisdə keçirilən 33-cü Yay Olimpiya Oyunlarının yayımı zamanı CBC Sport telekanalının tanınmış simaları peşəkar şərhləri ilə bu işdə bizə yardımçı oldu. Telekanalımız adından birgə əməkdaşlığa görə CBC Sport-a təşəkkür edirik! Hər yarış gününün əvvəli və sonunda xüsusi olaraq Paris Olimpiadası üçün yeni tərtibatda və fərqli dizaynda hazırlanmış “Bol idman”ın yeni virtual studiyasında idmançılarımızın çıxışları, şansları ekspertlərin iştirakı ilə müzakirə olundu. Bütün bunlarla yanaşı, daha bir xoş xəbəri sizinlə bölüşmək istəyirik. Avqustun 28-dən sentyabrın 8-dək Parisdə keçiriləcək Paralimpiya Oyunları da İctimai Televiziya vasitəsilə canlı yayımda idman həvəskarlarına təqdim olunacaq. İctimai Televiziya olaraq paralimpiyaçılarımızın çıxışlarını diqqət mərkəzində saxlayacağıq. Paralimpiyaçılarımıza qarşıdakı mötəbər yarışda uğurlar, tamaşaçılara isə xoş seyrlər arzu edirik!

İctimai Televiziya və Radio Yayımları Şirkəti redaktor vakansiya elan edir. Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan hər bir uyğun namizəd bu fürsətdən yararlanıb komandamıza qoşula bilər! #tvjob #redaktor #itv

İctimai Televiziya və Radio Yayımları Şirkəti qrafika üzrə dizayner vakansiya elan edir. Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan hər bir uyğun namizəd bu fürsətdən yararlanıb komandamıza qoşula bilər! #tvjob #itv

İctimai Televiziya və Radio Yayımları Şirkəti inzibatçı vakansiya elan edir. Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan hər bir uyğun namizəd bu fürsətdən yararlanıb komandamıza qoşula bilər! #tvjob #itv #inzibatçı