Cámara Oficial Minera de Galicia

Galicia e o norte de Portugal, referentes na produción de granito en Europa. 🌍 📢 Baixo esta premisa nace Stonegal, o evento para o sector da pedra natural en España. A directora da COMG, Arantxa Prado, acudiu ao acto de presentación da exposición e congreso, que se celebrarán do 3 ao 5 de xuño de 2025 no Instituto Feiral de Vigo (IFEVI). Este evento busca posicionarse como unha plataforma de lanzamento para as innovacións e tendencias que están moldeando o futuro do granito, a pizarra e o mármore. 🛠️ Vémonos en Stonegal! 🙌 https://lnkd.in/dKvS3unQ

🤝 O pasado martes celebrouse a IX Xornada de Responsabilidade Social Empresarial no Sector dos Áridos, organizada por ARIGAL - Asociación Galega de Áridos, na que estivo presente a directora da COMG, Arantxa Prado. O encontro reuniu a expertos e técnicos en seguridade laboral das empresas para abordar as novidades técnicas e xurídicas na prevención da inhalación de po de sílice cristalina respirable. 👷♀️👷♂️ Durante a xornada tamén se avanzou que o futuro Consello da Minería de Galicia vai integrar, en outros, ao sector dos áridos. Ademais, formaranse grupos de traballo, entre eles o de seguridade e saúde, un dos eixos da Axenda de Impulso da Minería Sostible 2030. 💼🌱 https://lnkd.in/drY4vkEU

O camiño cara á neutralidade climática. 🌍🌱 Coincidindo co Día Internacional contra o Cambio Climático, a directora da COMG, Arantxa Prado Santiago, participou na II Conferencia das partes da Alianza Galega polo Clima, á que tamén acudiron representantes das máis de 160 organizacións que forman parte da Alianza, así como doutras entidades interesadas. Este encontro foi unha oportunidade para reflexionar sobre a neutralidade climática e establecer os próximos pasos da Alianza Galega polo Clima, unha iniciativa que avoga pola procura de medidas comúns e coordinadas que xeren sinerxias na acción climática en Galicia. 🤝 https://lnkd.in/d_dRKw5V

Recoñecemento á innovación e á comunicación en materia de sostibilidade mineira. 🏆 A directora da COMG, Arantxa Prado Santiago, e o director xeral de Planificación Enerxética e Minas da Xunta de Galicia, Pablo Fernández Vila, participaron esta tarde no MMH. Mining and Minerals Hall 2024, celebrado en Sevilla, onde recolleron o premio outorgado pola Fundación Minería y Vida á plataforma Minería Sostenible de Galicia. A plataforma (https://lnkd.in/dC5cYE_8), unha iniciativa da COMG, foi galardoada na categoría de ‘Entidade privada destacada pola súa innovación e comunicación en materia de sostibilidade’ pola súa contribución á promoción do sector mineiro a través da investigación e a divulgación. Este premio reforza o compromiso da industria coas mellores prácticas de desenvolvemento sostible ao tempo que resalta a importancia das materias primas como base fundamental no proceso da transición enerxética. 🌱🤝 https://lnkd.in/exZzgUwj

Especialistas en recursos minerais e enerxía. 💡 Elena Alonso, directora da Escuela de Ingeniería de Minas y Energía- Universidad de Vigo, reflexiona sobre a necesidade de contar con enxeñeiros especializados en recursos minerais e enerxía para dar resposta a problemas específicos da sociedade con solucións tecnolóxicas sostibles, nun artigo publicado en La Voz de Galicia. 🗣 "É necesario prover á industria das materias primas coas que fabricar a tecnoloxía asociada aos obxectivos da transición enerxética: aeroxeradores, placas fotovoltaicas, vehículos eléctricos ou pilas de combustible, por citar as máis ilustrativas". 🔗 Podes ler o artigo completo na seguinte ligazón 👇 https://lnkd.in/dKvjvy8J

Cecilia Trancón Loureiro, nomeada presidenta da Cámara Oficial Mineira de Galicia por decisión unánime da Xunta Directiva. ⚒️ A nova presidenta da COMG é enxeñeira de minas e conta con máis de vinte anos de experiencia na industria extractiva. Desde xullo de 2022, ocupa o cargo de directora xeral de Caolines de Vimianzo (CAVISA), empresa cunha longa traxectoria na extracción e aproveitamento de minerais como o caolín, a mica e o cuarzo, con sede en Vimianzo (A Coruña). Tamén e presidenta da Asociación para o Fomento da Investigación da Cerámica de Galicia (Aficega) e membro do Comité Industrial do iMATUS (Instituto de Materiales de la USC). 🗣️ Tras o seu nomeamento, Cecilia Trancón manifestou que “é unha honra e unha responsabilidade recibir o voto da maioría da Xunta Directiva. Agradezo a confianza dos meus compañeiros e compañeiras e póñome á súa disposición para que, entre todos, demos o lugar que se merece á industria mineira en todos os ámbitos da sociedade”. https://lnkd.in/daQ2mwk5

Compartindo coñecemento para construir un futuro verde. 🌱 ⚒️ Numerosos expertos da industria das materias primas reuníronse onte na primeira das tres xornadas de innovación de World Blasting Innovators, que se celebrarán os días 7, 8 e 9 de outubro en Porto (Portugal). Este encontro, no que a Cámara Oficial Mineira de Galicia estivo presente como entidade colaboradora, busca xerar coñecemento en torno á práctica da perforación e a voladura entre os profesionais do sector a nivel global, contribuíndo así a crear un futuro máis verde e sostible. O ciclo de conferencias de WBI representa un paso crucial cara ao descubrimento de solucións innovadoras que axuden aos profesionais da industria mineira a afrontar os desafíos de xeito colaborativo. 🤝 👨💻 Para máis información, podes consultar a web do evento facendo clic na seguinte ligazón 🔗 https://lnkd.in/eCc68TiU

O seminario SPERTUS xa está en marcha! 🌍 🗣️ O encontro foi inaugurado por representantes das catro entidades organizadoras: Juan Ricoy Alonso, por parte da Cámara Oficial Mineira de Galicia; Elena Alonso Prieto, directora da Escola de Enxeñaría de Minas e Enerxía da Universidade de Vigo; Pablo Fernández Vila, director xeral de Planificación Enerxética e Minas da Xunta de Galicia; e Luis Varela Cabo, Presidente Fundador de SPERTUS e Delegado Reitor da Universidade de Santiago de Compostela. O seminario comezou coa conferencia de Emiliano López Atxurra, presidente de Petronor, S.A., á que seguiu a primeira mesa redonda, na que os asistentes puideron reflexionar en torno á política enerxética, os recursos minerais e a sostibilidade. Na mesa, moderada por Pablo Fernández Vila, director xeral de Planificación Enerxética e Minas, participaron Jesús Lago, presidente de ATIGA; Jorge Cristino, CEO de Get2C; e Jesús Portillo, director xeral de Minas da Junta de Andalucía. 🌱 O programa do SPERTUS continuará pola tarde, coa celebración das mesas redondas 'Seguridade e independencia enerxética' e 'Impacto social e económico da transición'. 💡 👨💻👩💻 Recorda que podes seguir o seminario en directo a través da seguinte ligazón: https://lnkd.in/ermdBPd

⏱️ Faltan 5 días para que comece #EnergyDays, un evento de referencia en Galicia sobre enerxía, industria e dixitalización. ⚡ Este encontro, organizado por Cluergal - Clúster das Enerxías Renovables de Galicia, e no que a Cámara Oficial Mineira de Galicia participa como entidade colaboradora, terá lugar na Cidade da Cultura de Santiago de Compostela os días 8, 9 e 10 de outubro. 💡 O programa de ponencias e a zona de exposicións buscan dar a coñecer as mellores solucións no eido da transición enerxética e a transformación dixital entre profesionais, empresas, administración e público xeral. ☕ O evento tamén permitirá fomentar o networking, co obxectivo de crear un espacio propicio para o intercambio de ideas e a creación de sinerxias. Anímate a participar! 🔗 Aínda podes inscribirte na páxina web de #EnergyDays: https://lnkd.in/dG2inDi2

📢 Convidámosche á V Edición do Seminario SPERTUS 🌍 🗓️ Venres 4 de outubro. 📍 Paraninfo da Universidade de Vigo (Segunda Planta do Edificio Ernestina Otero. Campus As Lagoas-Marcosende). O encontro, organizado pola Cámara Oficial Mineira de Galicia e a Universidade de Santiago de Compostela, en colaboración co Instituto Enerxético de Galicia e a Universidade de Vigo, contará con 6 sesións de debate e reflexión en torno á transición enerxética e a competitividade industrial. 🌱 🗣️ Nas distintas mesas redondas participarán prestixiosos científicos e tecnólogos do sector enerxético e das materias primas, que abordarán asuntos tan importantes como o papel de España e Portugal como grandes produtores potenciais de minerais estratéxicos, a seguridade enerxética, a mobilidade e o impacto social, entre outros. 💻 Se desexas asistir ao seminario de xeito telemático, podes facelo a través da seguinte ligazón: https://lnkd.in/ermdBPd Tamén podes consultar o programa do evento na web de SPERTUS 👉 https://lnkd.in/di-gnAgE Vémonos o venres! 🙌