XERA Axencia Galega da Industria Forestal

#Internacionalización | Tevasa Forestal Group exportará madeira de carballo galego para barricas de whisky escocés 🌳 A alianza das empresas #ForestalPeninsular, #Tevasa e THE EDRINGTON GROUP LIMITED (Escocia) cristalizará coa súa fusión comercial na futura #TevasaForestalGroup, un conglomerado con raíces galegas, que levará a nosa madeira ata as destilerías escocesas de whishky de puras maltas de marcas como The Macallan, Highland Park, The Glenrothers, Naked Malt ou do whisky escocés mesturado The Famous Grouse. 🤝A conselleira de Economía e Industria, María Jesús Lorenzana, recibiu aos representantes das empresas participantes na fusión. Esta operación empresarial asegura o subministro sustentable de toneis de carballo galego de alta calidade procedentes dun serradoiro galego que poderán contar con garantía de orixe e trazabilidade mediante tecnoloxía blockchain e a través da plataforma #FORTRA da Xunta de Galicia: https://lnkd.in/df-qAPCk 🔗 Máis información sobre a fusión empresarial con vistas a Escocia na nosa web: https://lnkd.in/duF8yXtx Galicia Crece #GaliciaéMadeira #XuntosXeramosValor #XERAndoFuturo

Coñeces o programa #ElasXeranSector? Iniciouse en 2019 impulsado pola XERA Axencia Galega da Industria Forestal, co obxectivo de visibilizar o rol da muller 👩 neste sector e atraer novo talento. Actualmente participan máis de 300 persoas que colaboran no desenvolvemento de obradoiros de cocreación, na organización do Foro Esenciais en Bioeconomía ou na aparición nos medios de comunicación, entre outras moitas actividades. 👉 Infórmate en https://bit.ly/4hkRKXd

#Investigación | Lourizán acolle mañá a defensa da tese de doutoramento do investigador Esteban Torres sobre o programa de mellora xenética do piñeiro galego 🌳 O salón de actos do Centro de Investigación Forestal de Lourizán #CIFLourizán acolle, ás 11:00 horas de mañá venres, o acto de defensa da tese doutoral de Esteban Torres Sánchez, que leva por título: "Avances no programa de mellora xenética de Pinus pinaster: resistencia a Bursaphelenchus xylophilus e calidade de madeira". 🪵 O aforo presencial é limitado. Para seguilo en directo podes conectarte a través do seguinte enlace: https://lnkd.in/eq4yGdmA Envía inscripción previa ao mail: eva.prada.ojea@xunta.gal. #GaliciaéMadeira #XuntosXeramosValor #XERAndoFuturo

#Rehabilitación | O proxecto gañador para a reforma do Pazo de Lourizán desvelarase o vindeiro mes de novembro 🌳 O Pazo de Lourizán, en Pontevedra, será reformado a partires do próximo ano 2025 cun orzamento estimado de máis de 17 millóns de euros.  O fallo do xurado darase a coñecer o vindeiro mes de novembro, segundo desvelou esta mañá a conselleira de Economía e Industria, María Jesús Lorenzana. 🤝A finca, onde se empraza o #CIFLourizán integrado en #XERA, adquirirá novos usos e potencialidades. O proxecto que resulte gañador acometerá reformas nos edificios históricos, que albergarán espazos de aloxamento e restauración, unha área de exposicións, un espazo público multiusos e un punto de encontro para a ciencia e as empresas do noso sector. 🖼️ Lorenzana avanzou tamén que os  proxectos presentados para esta obra clave conformarán unha exposición aberta ao público na cidade de Pontevedra, onde se darán a coñecer as diferentes propostas aspirantes. 🔗 Máis información na nosa web: https://lnkd.in/e7bQ3jZX Galicia Crece #GaliciaéMadeira #XuntosXeramosValor #XERAndoFuturo

#Casodeéxito | O proxecto beneficiario das axudas #XERA de Seara Peleteiro Arquitectos en San Vitoiro, protagonista no espazo divulgativo do #COAG 🪵O Colexio Oficial de Arquitectos de Galicia debulla polo miúdo no seu espazo divulgativo #COAGconta o proxecto do estudio Seara Peleteiro Arquitectos en San Vitoiro (Allariz), premio Gran de Area 2023. Esta construción de arquitectura sustentable en madeira supón un novo caso de éxito das axudas de #XERA, neste caso da liña XERA-Madeira (#MR502) correspondente á edición 2022. 🏠 Juan Seara Oro e Berta Peleteiro Varela están detrás desta obra que combina a eficiencia enerxética, a integración ambiental e o protagonismo da madeira como elemento estrutural de construción. A súa obra, na que participaron Maderas Rubén e Hábitat Espacio logra adaptarse ao espazo, á pendente natural do terreo e á vexetación existente dun xeito respectuoso e maximizando as potencialidades da parcela. 🔗Podes ver aquí o programa completo de #COAGconta: https://lnkd.in/dRk3rqJQ 📸 Brais Seara Fernández #GaliciaéMadeira #XuntosXeramosValor #XERAndoFuturo

#Foro | Galicia despide Egurtek 2024 coa vista posta en seguir apostando pola xeración de valor a través da promoción do uso da madeira en construción 🌳 Baixamos o telón da xornada de clausura do Foro Internacional de Arquitectura e Construción en madeira. O director de #XERA, Jacobo Aboal, e a directora da área de promoción e calidade forestal, Isabel Puentes, compartiron cos representantes do ecosistema construción-madeira desprazados a Bilbao as impresións globais das xornadas técnicas e workshops de innovación celebrados na décima edición da cita bienal vasca no BILBAO EXHIBITION CENTRE (BEC). 🪵 A expedición galega volta deste congreso con diversos premios baixo o brazo e coa firme intención de seguir innovando en áreas clave para o sector como construción, interiorismo, dixitalización ou deseño de produto, sempre coa nosa madeira local como referencia e como fío condutor na nosa industria. Foi un pracer compartir estas dúas xornadas co Cluster da Madeira e o Deseño de Galicia, CESUGA - Centro de Estudios Superiores Universitarios de Galicia, Finsa, Molduras del Noroeste S.L., ez2 arquitectos, Bahia Software #Trazamad, Martín Gómez, Arrokabe Arquitectos SLP MRM arquitectos s.l.p. InnovaWood network e Grupo Ramón García. 👏Parabéns a BASKEGUR pola organización! Oskar Azkarate Zabalo 🤝 Esperamos que as liñas públicas de impulso e fomento sigan aliñadas coas necesidades do sector e que continúen colleitando éxitos. #GaliciaéMadeira #XuntosXeramosValor #XERAndoFuturo

#Premios | O proxecto da Casa Panchés, en Carnota, vencedor da categoría Edificación nos galardóns internacionais do foro Egurtek 🥇O Foro Internacional de Arquitectura e Construción en madeira de Bilbao #EGURTEK vén de entregar os premios aos proxectos máis destacados do ano na súa décima edición. Na categoría #Construción, unha das máis destacadas do evento, o premio foi para a #CasaPanchés de Carnota, proxecto do estudio Arrokabe Arquitectos SLP. Parabéns a Óscar Andrés Quintela e Iván Andrés Quintela por este traballo, que xa acumula diferentes galardóns e que está considerado como un caso de éxito en Galicia. A Casa Panchés foi beneficiaria da axuda #XERAMadeira en proxecto no ano 2020 e en obra no 2022. 🥇Na gala tamén se entregou un accésit a BERBÉS UVIGO, dos arquitectos Elizabeth Abalo Díaz e Gonzalo Alonso Núñez, que construíron “unha caixa dentro doutra” neste edificio para a Universidade de Vigo. 🥇O premio especial de Difusión para a serie técnica de publicación en madeira de CESUGA - Centro de Estudios Superiores Universitarios de Galicia pola súa aportación á formación de profesionais desde o coñecemento das técnicas de cálculo, deseño, intervención e inspección de estruturas históricas. Esta publicación tamén foi beneficiaria dunha axuda da Axencia. 🥇Por último, destacamos tamén o proxecto de vivendas de aluguer en Entremutilvas (Navarra), do estudio MRM arquitectos s.l.p., con sede en Galicia. 👏Desde #XERA celebramos estes importantes premios para proxectos galegos e transmitimos os nosos parabéns ás 89 candidaturas desta edición de EGURTEK. #GaliciaéMadeira #XuntosXeramosValor #XERAndoFuturo

#ElasXeranSector | O Día da muller rural, unha data de referencia no sector forestal 🪵 O noso sector non tería sentido nin futuro sen vós. Sodes parte fundamental desta industria, garante do traballo ben feito e sinónimo do desenvolvemento e o progreso que seguimos a experimentar en conxunto. 👏 Nesta data, e en todas as demais, gracias por ser fundamentais. #GaliciaéMadeira #XuntosXeramosValor #XERAndoFuturo 

#EGURTEK | #XERA acompaña á representación galega no Foro Internacional de Arquitectura e Construción en madeira de Bilbao 🪵 Este mércores 16 e xoves 17, o BILBAO EXHIBITION CENTRE (BEC) acolle a décima edición de EGURTEK, o congreso internacional da arquitectura e a construción en madeira. A Axencia Galega da Industria Forestal estará presente nesta destacada cita sectorial. O programa contén conferencias de poñentes nacionais e internacionais, xornadas técnicas e #InnovationWorkshops, ademais da gala de entrega de premios, onde 3 proxectos galegos de referencia serán galardoados: ✅ Na categoría edificación, a Casa Panchés (Carnota) de Arrokabe Arquitectos SLP ✅ Accésit para o Edificio Berbés #UVigo (Universidade de Vigo) ✅ Premio Especial Difusión: serie técnica de publicación en madeira de CESUGA - Centro de Estudios Superiores Universitarios de Galicia   👏 Parabéns aos premiados e a todos os proxectos aspirantes pola súa participación. #GaliciaéMadeira #XuntosXeramosValor #XERAndoFuturo

#DíaMundial | Os xardíns botánicos, grandes reservorios da esencia da natureza 🌳 Celebramos o Día Internacional dos xardíns botánicos destacando a importancia destes enclaves especializados na investigación e na conservación do noso patrimonio natural. 🌿 Un dos mellores exemplos desta labor fundamental é o xardín botánico do Centro de Investigación Forestal de #Lourizán, que posúe especies singulares, un herbario e un insectario, un parque das autonomías e as áreas de especialización do coniferetum, eucalyptetum e castanetum. Poden facerse vistas individuais ou en grupo, previa solicitude ao centro, para coñecer este fermoso xardín e arboreto. 🔗 Descobre máis información aquí: https://lnkd.in/dADQpYxF 📸 Enrique Martínez Chamorro #GaliciaéMadeira #XuntosXeramosValor #XERAndoFuturo