Ftehimiet internazzjonali

F'din it-taqsima, tista’ ssib strumenti prodotti mill-UE fl-eżerċizzju tal-kompetenzi esterni tagħha, inklużi:

ftehimiet konklużi b’mod konġunt mill-Istati Membri u l-Unjoni Ewropea (jew dawk li kienu l-Komunitajiet Ewropej - KE, KEE, KEFA) u/jew il-Komunità Ewropea tal-Enerġija Atomika ma’ pajjiżi mhux tal-UE jew ma’ organizzazzjonijiet internazzjonali f’oqsma fejn l-UE u l-Istati Membri jikkondividu l-kompetenzi (ftehimiet “imħallta”);
ftehimiet bilaterali u multilaterali konklużi mill-Unjoni Ewropea (jew dawk li kienu l-Komunitajiet Ewropej - KE, KEE, KEFA) u/jew il-Komunità Ewropea tal-Enerġija Atomika ma’ pajjiżi mhux tal-UE jew ma’ organizzazzjonijiet internazzjonali f’oqsma fejn l-UE tista’ taġixxi waħedha (“kompetenza esklużiva tal-UE”);
atti ta’ korpi maħluqa minn ftehimiet internazzjonali bħal dawn.

Se ssib dawn il-ftehimiet internazzjonali tal-UE akkumpanjati minn analiżi legali rikka u links għal informazzjoni relatata (validità tal-att, dati ta’ meta daħlu fis-seħħ, relazzjonijiet ma’ dokumenti oħra u ħafna aktar).

Kif tfittex f’din it-taqsima?

In-naħa tax-xellug ta’ din il-paġna tagħti aċċess għal diversi għodod ta’ tfittxija.

Fittex fil-ftehimiet internazzjonali tieħdok lejn il-formola tat-tfittxija avvanzata li toffri ħafna opzjonijiet. It-tfittxijiet se jitwettqu biss fi ħdan it-taqsima “Ftehimiet internazzjonali”.
Id-Direttorju tal-ftehimiet internazzjonali fih id-dokumenti kollha ta’ din it-taqsima organizzati f’20 qasam ewlieni u diversi subdominji.
It-tfittxija f’Ippubblikati reċentement tagħti aċċess għad-dokumenti ppubblikati kollha fl-aħħar 14-il jum.

Il-ftehimiet internazzjonali tal-UE huma legalment vinkolanti bejn l-Unjoni Ewropea u pajjiż wieħed jew aktar mhux tal-UE jew organizzazzjoni internazzjonali. Jistgħu jiġu konklużi meta t-Trattati jipprevedu dan jew meta l-konklużjoni ta’ ftehim: (i) tkun neċessarja biex jinkiseb, fi ħdan il-qafas tal-politiki tal-UE, wieħed mill-objettivi msemmija fit-Trattati; (ii) tkun prevista f’att tal-UE legalment vinkolanti; jew (iii) x’aktarx li taffettwa regoli komuni jew tibdel l-iskop tagħhom.

L- azzjoni esterna tal-UE hi stabbilita fit-Titolu V tat-Trattat dwar il-Funzjonament tal-Unjoni Ewropea u fil-Parti 5 tat-Trattat dwar il-Funzjonament tal-Unjoni Ewropea (TFUE). Il-proċedura għan-negozjar u l-adozzjoni ta’ ftehimiet internazzjonali hi stabbilita fl-Artikoli 207 u 218 tat-TFUE għall-politika kummerċjali komuni u għall-oqsma l-oħrajn tal-azzjoni esterna, rispettivament.