Wikipedia:Aviso legal
| Advertencia xeral · Aviso de contido · Aviso legal · Aviso médico · Aviso de risco |
A Wikipedia contén artigos acerca de moitos temas legais; non obstante, non hai garantías de que estes sexan veraces nin de que sexan precisos. Non hai ningunha seguridade de que calquera declaración contida ou citada nun artigo de materia legal é verdade, correcta, precisa ou estea actualizada. As leis varían segundo o lugar e poden cambiar co tempo. Incluso se a declaración feita sobre dereito é precisa, pode que só se corresponda coa xurisdición da persoa que publicou a información; tamén puido trocar, modificar ou anular a lei des que se engadiu a entrada á Wikipedia.
A información legal proporcionada pola Wikipedia é, no mellor dos casos, dunha natureza xeral e nunca pode substituír o consello dun profesional licenciado (por exemplo, unha autoridade competente con coñecementos especializados). A Wikipedia non é unha avogada.
Ningún dos colaboradores individuais, operadores do sistema, desenvolvedores, patrocinadores da Wikipedia nin calquera outro relacionado con esta pode ser responsable dos resultados ou consecuencias de calquera intento de uso ou adopción da información presente neste sitio web.
Nada na Wikipedia ou que estea incluído como parte de calquera proxecto da Fundación Wikimedia podería interpretarse como un intento de ofrecer ou prestar unha opinión legal ou doutro modo participar na práctica do dereito.