Singapur
Singapur | |||
|
|||
Hymno: Onward Singapore | |||
![]() ![]() ![]() |
|||
Nomine native | Republic of Singapore, Republik Singapura, 新加坡共和国, சிங்கப்பூர் குடியரசு | ||
---|---|---|---|
Classe | stato soveran[*], Citate-stato, stato insular, citate, port settlement[*], citate grande[*], border city[*], pais, Citate global, national capital[*] | ||
Pais | Imperio Britannic, Singapur | ||
Capital | Singapur | ||
Population | 5 866 139 | ||
Area | 719,1 km² ![]() |
||
Coordinatas | 1°18'N, 103°48'E | ||
Linguas official | anglese, Lingua malay, Standard Mandarin[*], Lingua tamil | ||
Citates gemine | Gibraltar, Pyongyang | ||
Fuso horari | UTC+08:00[*], Singapore Standard Time[*], Asia/Singapore[*] | ||
Codice telephonic | +65 | ||
Valuta | Singapore dollar[*] | ||
Dominio de Internet | .sg[*] | ||
ISO 3166-1 alpha-2 | SG | ||
ISO 3166-1 alpha-3 | SGP | ||
ISO 3166-1 numeric | 702 | ||
Codice IOC | SGP | ||
Geonames ID | 1880251 | ||
Sito web: https://www.gov.sg/ | |||
![]() |
|||
Wikimedia Commons Category Singapore |
Singapur[1] (ab malay: Singapura, "citate del leones"; chinese: 新加坡 Xīnjiāpō; tamil: சிங்கப்பூர் Cingkappūr), officialmente le Republica de Singapur, es un insula e citate-stato situate al sud de Malaysia, 137 km (85 mi) al nord del equator, al sud del stato Johor de Malaysia, e al nord del Insulas Riau de Indonesia. Con un area de 710 km2, Singapur es un microstato e le plus parve in Asia del Sud-est, ma notabilemente plus grande que Monaco e le Citate Vatican, le unic altere citate-statos soveran que existe ancora.
Ante le colonisation europee, le insula de Singapur esseva le sito de un village malay de piscatores al bucca del fluvio Singapur. Alcun centenas de Orang Laut etiam viveva per le costas, fluvios, e parve insulas. In 1819, le Compania Britannic de India del Est, conducite per Stamford Raffles, establiva un posto commercial sur le insula, que esseva usate como porto in le via del species. Gratias a iste commercio, Singapur deveniva un del plus importante centros commercial e militar del Imperio Britannic e de Asia del sud-est.
Durante le Secunde Guerra Mundial, le colonia britannic esseva occupate per Japon post le Battalia de Singapur, que Winston Churchill nominava "Le plus grande disfacta de Britannia." Singapur reverteva al regno britannic in 1945, immediatemente post le guerra. Dece-octo annos plus tarde, in 1963, le citate, post haber ganiate independentia de Britannia, se jungeva con le Federation de Malaya, Sabah, e Sarawak pro formar Malaysia. Totevia, le union non habeva successo, e minus que duo annos postea, Singapur partiva del union pro facer se un republica independente in le Commonwealth de Nationes le 9 de augusto 1965. Singapur esseva admittite al Nationes Unite le 21 de septembre del mesme anno.
Post le independentia, le standard de vita in Singapur surgeva dramaticamente. Investimento estranier, e industrialisation dirigite per le stato basate in planos scribite per le economista nederlandese Albert Winsemius creava un economia moderne que se concentrava sur le education, industria e planation urban. Hodie, Singapur es le quinte plus ric, in terminos de GDP per capita. In 2009, le citate esseva le decime melior citate in le mundo in que viver—le tertie in Asia, post Tokyo e Osaka. Le population de Singapur, includente non-residentes, es circa 4,86 milliones. Singapur es multo cosmopolita e diverse, con le gente chinese formante un majoritate ethnic e populationes grande de Malay, Indian, e alteres. Anglese, chinese, malay e tamil es le linguas official.
Singapur es un republica parlamentari, e le Constitution de Singapur establi le democratia representative assi como su systema politic.
Historia
[modificar | modificar fonte]Le insula de Temasek esseva renominate a Singapur in le seculo 14. Un legenda dice que un principe srivijayan, quando arrivava in Temasek, videva un leon; ille interpretava ille leon como un augurio benefic e, alora, fundava le citate de Singapur -- le "citate de leones." Un porto esseva create, e Singapur prosperava, usque al destruction del porto per piratas portugese in 1613. In 1819, le porto esseva reconstruite per le anglese Thomas Stamford Raffles (le "patre de Singapur"). Situate inter China, India, e Malaya, le porto prosperava de novo.
Durante del Secunde Guerra Mundial, le Imperio Japonese conquireva Singapur in 1942 e lo occupava usque 1945. Al fin del guerra, Singapur saliva e formava parte del colonia britannic, con plus autonomia que previemente. Singapur se jungeva al Federation de Malaya, que formava Malaysia in 1963. Le differentias inter Singapur e le resto de Malaya esseva insurmontabile, e le 9 de augusto 1965, Singapur deveniva un republica independente.
Pro luctar contra le disempleo, Singapur initiava un programma de modernisation, basate in le creation de manufacturas, e investimento in education public. Le investimentos ha pagate, e in le annos 1990 Singapur deveniva un del paises plus prospere del mundo.
Demographia
[modificar | modificar fonte]Secundo statisticas publicate per le governamento de Singapur, le population de Singapur in 2008 esseva 4.84 milliones, de que 3.64 milliones esseva citatanos singapurian e residentes permanente (nominate "residentes singapurian"). Varie gruppos chinese formava 75.2% del residentes de Singapur; malays, 13.6%; indianos, 8.8%; e eurasianos, arabes e altere gruppos formava 2.4% del population.
Singapur es un pais de plure religiones. Secundo Statistics Singapore, c. 51% de residentes singapurian (excludente visitantes e travaliatores migrante) practica buddhismo e taoismo. Cerca 15%, predominantemente chinese, eurasiano, e indianos, practica christianismo, un classification large que include catholicismo, protestantismo, e altere confessiones. Islam occupa 14%, de que malays habe le majoritate, ma con un numero substantial de indianos e chinese. Altere minoritates practica sikhismo, hinduismo, e altere religiones.
Le linguas official de Singapur es anglese, malay, mandarin e tamil. Le lingua national de Singapur es le malay pro rationes historic, e es usate in le hymno national, Majulah Singapura. Anglese es le lingua principal de Singapur e ha essite promovite assi post le independentia. Le usage de anglese es basate principalmente sur le anglese britannic, con alcun influentias del anglese american. Le secunde plus commun lingua es le mandarino, cognoscite per plus de 70% del population como lingua secunde.
Economia
[modificar | modificar fonte]Singapur ha un multo disveloppate mercato basate in le economia, que esseva historicamente basate in commercio entrepôt - es dicer, un economia basate in exportation multo dependente in le exportation de benes ab altere paises. Con Hong Kong, Corea del Sud e Taiwan, Singapur es un del Quatro Tigres Asiatic. Ancora hodie, le economia depende del exportationes e del raffinamento de benes importate, specialmente manufactura; Singapur ha un del plus occupate portos in le mundo, e es le quarte plus grande intercambio estranie (post London, New York e Tokio).
Manufactura habeva 26% del GDP de Singapur in 2005. Le industria manufacturari es multo diversificate con sectores importante in electronica, petroleria, chimia, ingenieria mechanica e scientias biomedic. In 2006, Singapur creava circa 10% del stock mundial de wafers.
Le economia de Singapur es dirigite per le Economic Development Board ("Officio de Disveloppamento Economic). Le EDB es un officio statutari del governamento de Singapur, cargate con le creation de planos e execution de strategias pro sustener le nation como un centro principe pro commercio e investimento.
Le numerario de Singapur es le Dollar singapurian (S$ o SGD). Le officio cargate con le emission de numerario in Singapur es le Monetary Authority of Singapore (le Autoritate Monetari de Singapur). Le dollar singapurian es intercambiabile con le dollar brunei.
Governamento
[modificar | modificar fonte]Singapur es un democratia parlamentari constitutional cuje parlamento unicameral es basate in le Systema de Westminster, gratias a su hereditage como un colonia britannic.
Le majoritate del poteres executive in Singapur es sub le Cabinetto, dirigite per un Prime Ministro. Le officio del presidente in le governamento de Singapur es generalmente ceremonial, ma il ha alcun poteres de veto.
Le poter legislative in Singapur es basate in le parlamento. Electiones parlamentari de Singapur es per pluralitate; le partito principe in Singapur ha essite le People's Action Party (Partito del Action del Populo]]) desde que le pais obteneva su autonomia.
Le poter judiciari in Singapur es del Judiciario, con un systema de plure cortes, sub un corte supreme. Ben que le leges de Singapur es hereditate del derecto costumari britannic, Singapur ha exercitate su derecto soveran pro cambiar traditiones. Il non ha judicio per juratos, e le activitate criminal pote esser punite stridentemente (per exemplo, mulctas stridente, penas corporal, o pena capital).
Referentias
[modificar fonte]- ↑ Derivation: Entitates: 1. (it) Singapore || 2. (es) Singapur || (pt) Singapura || 3. (fr) Singapour || 4. (en) Singapore || Controlo: (de) Singapur || (ru) Сингапур || - (Extra): (la) Singapura