Loki
Loki es un dio en mitolojia norsce. En alga fontes, el es la fio de Farbauti e Laufey e la frate de Halblindi e Byleist. Par la jotun fema Angrboda, Loki es la padre de Hel, la lupo Fenrir, e la serpente de mundo Jormungand. Par sua sposa Sigyn, Loki es la padre de Narfi (e/o Nari). Par la cavalo Svadilfari, Loki es la madre (en la forma de un cavalo fema) a Sleipnir, la cavalo con oto gamas usada par Odin. Plu, Loki es posible la padre de Vali.
La relata de Loki a la dios varia par fonte. A veses, Loki aida la dios, ma a otra veses, el ata en un modo malvolente a los. Loki es un mutaforma e en avenis el apare como un salmon, un cavalo, un mosca, e posible un fem vea nomida Þökk (norsce vea per "grasias"). La relatas positiva entre Loki e la dios fini en sua rol como la causa de la mori de la dio Balder, e Loki es ultima liada par Vali. En ambos Eddas, la diva Skadi ia pone un serpente supra el cuando el es liada. La serpente gota venena de supra cual Sigyn colie en un bol; ma, car el debe vacua la bol cuando lo es plen, la venena gota sur Loki e el contorse en dole, cual causa tremateras. Con la comensa de Ragnarok, Loki es prediseda como libri se de sua lias per combate contra la dios en la armada de la jotunes, cuando el va encontra la dio Heimdall, e la du mata lunlotra.
La orijina de Loki e sua rol en mitolojia norsce, cual alga eruditas ia descrive como la rol de un dio-rusor, ia es multe debateda. Loki ia es depintada en o refereda a en un varia de media en cultur popular.