Development Bank of Mongolia

АРХИВ, АЛБАН ХЭРЭГ ХӨТЛӨЛТИЙН EDOC СИСТЕМИЙГ НЭВТРҮҮЛЛЭЭ Монгол Улсын Хөгжлийн банк архив, албан хэрэг хөтлөлтийн EDOC системийг энэ сарын 15-ны өдрөөс нэвтрүүлээд байна.    Ингэснээр Хөгжлийн банкны дотоод үйл ажиллагаанд төдийгүй байгууллага хооронд албан бичиг солилцоход цаг хугацаа, цаас хэмнэж, албан бичгийн шийдвэрлэлтийн явцад хяналт тавих боломж бүрдүүлэх юм. Улмаар шуудан болон бичиг хэргийн зардлыг бууруулж, статистик тоон мэдээлэл, судалгаанд тулгуурлан үйл ажиллагаагаа зөв төлөвлөх, бодлого шийдвэрээ хэрэгжүүлэх, үйлчилгээгээ боловсронгуй болгох зэрэг ач холбогдолтой. EDOC системд байгууллагын архив, албан хэрэг хөтлөлтөөс гадна дотоод албан хүсэлтийн “И-Оффис” зэрэг системүүд нэг дор багтсан бөгөөд өнөөдрийн байдлаар нийт 5,400 гаруй байгууллага холбогдсон байна. Дэлгэрэнгүй мэдээллийг: https://lnkd.in/ggmtK68S

Хөгжлийн банкны өмчлөлд шилжүүлсэн үл хөдлөх эд хөрөнгийг худалдан борлуулах ажил хэвийн үргэлжилж байна Монгол Улсын Хөгжлийн банкны өрөнд шилжүүлж авсан 93 үл хөдлөх хөрөнгөөс 2024 оны 10-р сарын 18-ны өдрийн байдлаар 9.7 тэрбум төгрөгийн үнэлгээ бүхий 43 үл хөдлөх хөрөнгийг худалдан борлуулаад байна. Хөгжлийн банк нь өөрийн цахим хуудсаар дамжуулан олон нийтэд нээлттэй байдлаар худалдан борлуулах ажиллагаа явуулж байгаа тул банкны өмчлөлд бүртгэлтэй Нүхтийн аманд байрлах дутуу гүйцэтгэлтэй амины орон сууц, Да хүрээ захын голд төв зам дагуу байрлах Даймонд төвийн 3 давхарт байрлах үйлчилгээний талбай, Шинэ Яармаг цогцолбор хороолол төслийн ашиглалтад орсон 119, 121 м2 орон сууцууд болон дуусаагүй барилга зэрэг үл хөдлөх хөрөнгүүдийг сонирхсон иргэн, хуулийн этгээд цахим хуудсаар дамжуулан худалдан авах сонирхлоо илэрхийлэхээс гадна арилжааны банкны зээл судлуулах замаар худалдан авах бүрэн боломжтой юм. Худалдан борлуулах үнийн хувьд Хөгжлийн банк нь зээлийн төлбөрт тооцож авсан үнэ дээр зөвхөн худалдан борлуулах, эзэмшихтэй холбоотой гарсан зардлуудыг нэмж тооцдог. Дээрх төслүүдийн хувьд тухайн байршилд борлуулж буй ижил төрлийн үл хөдлөх хөрөнгүүдээс м2-ын дундаж үнэ нь харьцангуй хямд үнээр борлуулж байна. Шинэ Яармаг цогцолбор хороолол нь Нийслэлийн Хан-Уул дүүргийн 8 дугаар хорооны нутаг дэвсгэрт байршилтай бөгөөд Улаанбаатар хотын шинэ суурьшлын бүсэд цэвэр агаарт, хүүхэд залуучуудын чөлөөт цагаа зөв боловсон өнгөрүүлэх үйлчилгээний газрууд мөсөн өргөө болон спорт цогцолбор, хөл бөмбөгийн олон улсын зориулалтын талбай, тээврийн хэрэгслийн хөдөлгөөн үл нэвтрэх хүүхдийн тоглоомын талбай, бүх төрлийн худалдаа үйлчилгээ, сургууль, цэцэрлэг нэг дор төвлөрсөн хотхоны зохион байгуулалт, барилгын чанар болон ерөнхий төлөвлөлт зэрэг хүний амьдрах таатай орчин бүрдүүлсэн томоохон төсөл юм. Та бүхэн дэлгэрэнгүй мэдээллийг 8502-0513 утсаар болон Хөгжлийн банкны цахим хуудас дахь үл хөдлөх хөрөнгийн мэдээлэл цэсээс https://lnkd.in/gwMZreAh танилцах боломжтой бөгөөд эсвэл урьдчилан цаг тохирч газар дээр нь очиж үзэх боломжтой. https://lnkd.in/gtpqyAW6

ҮЛ ХӨДЛӨХ ХӨРӨНГӨ БОЛОН ГАЗРЫН АЛБАДАН ДУУДЛАГА ХУДАЛДАА БААСАН ГАРАГТ БОЛНО Хөгжлийн банкны зээлийн өр төлбөр барагдуулах ажлын хүрээнд 2024 оны аравдугаар сарын 25-ны 10:00 цагт Нийслэлийн Шүүхийн шийдвэр гүйцэтгэх газрын 200 тоот өрөөнд албадан дуудлага худалдаа болно. Зарим үл хөдлөх хөрөнгө, газар зэргийг борлуулах зорилготой тус албадан дуудлага худалдааг нээлттэй хэлбэрээр, үнэ хаяцуулан зохион байгуулах бөгөөд холбогдох хууль, журмын дагуу зах зээлийн үнээс 70 хувь хямдруулсан үнийн дүнгээс эхлүүлнэ. Эдгээр хөрөнгийг сонирхсон иргэд, аж ахуй нэгж та бүхэн өргөнөөр оролцоно уу. Албадан дуудлага худалдаатай холбогдох дэлгэрэнгүй мэдээллийг www.niislel.cd.gov.mn , https://lnkd.in/g-X5_7Ep цахим хаягуудаас авна уу. Хариуцсан шийдвэр гүйцэтгэгчийн холбогдох дугаар: 89070239 https://lnkd.in/gJuUHiKc

Монгол Улсын Хөгжлийн банкны тэргүүн дэд захирал Б.Амгалан: Зөвхөн Хөгжлийн банк гэлтгүй банкны салбарт чанаргүй зээлийн хэмжээ өндөр бол тэр хэмжээгээр эрсдэлийн зардал өснө. Үүнээс улбаалж зээлийн хүү өсөх, зээл гаргахгүй байх зэрэг эрсдэл үүсгээд байгаа юм. Мөн чанаргүй зээлийг төлүүлэхэд шүүхийн шатанд зээлийн хүү зогсох, барьцаа хөрөнгө элэгдэх зэрэг хүндрэл үүсдэг. Нөгөө талдаа бид гаднаас татан төвлөрүүлсэн эх үүсвэрээ хугацаанд нь төлөх үүргийн дагуу төлөөд явдаг ч наад талдаа олгосон зээл нь чанаргүйдээд хүү, төлөлт нь зогсчихсон байх жишээний. Эдгээрийг олон улсад Актив удирдлагын компани байгуулаад шийдвэрлээд явдаг. Өөрөөр хэлбэл, чанаргүй зээлтэй холбоотой шүүхийн үйл ажиллагааг тус компани хариуцаад банкууд үндсэн үйл ажиллагаагаа хэвийн явуулна гэсэн үг. Монголбанк болон Санхүүгийн зохицуулах хорооноос 2018 онд Чанаргүй зээлийг бууруулах стратеги баталж байсан. Гол зорилго нь шүүхийн процесст зарцуулж буй цаг хугацааг богинсгох, Актив удирдлагын компани байгуулах талаар тусгасан байдаг. #тоонтойм https://lnkd.in/gEMPcVEK

“Банкир-100” спортын тэмцээний үүрд хадгалагдах цомын эзэн тодорлоо🏆 🎉 Монгол Улсад орчин цагийн банкны тогтолцоо үүсэж бэхэжсэний 100 жилийн ой энэ онд тохиож буй. Энэхүү ойн хүрээнд зохион байгулагдсан нэг гол арга хэмжээ болох “Банкир - 100” спортын тэмцээн бүтэн жилийн турш үргэлжилж, өнөөдөр (2024.10.10) үүрд хадгалах цомын эзнээ тодрууллаа. Спортын нийт 11 төрлөөр болсон “Банкир - 100” спортын тэмцээнд Монголбанк, Монголын банкны холбоо, Монгол Улсын Хөгжлийн банк болон арилжааны 12 банкны баг, тамирчид оролцож, хурд хүч, авхаалж самбаагаа сорьсон юм. Багийн нийт дүнгээр ХААН банк тэргүүлж, Монголбанкны үүрд хадгалагдах цомын эзнээр шалгарлаа. Тус тэмцээний шагнал гардуулах ёслолд Монгол Улсын Хөгжлийн банкны Тэргүүн дэд захирал Б.Амгалан оролцож, баг тамирчдад баяр хүргэж, шагнал гардуулав. https://lnkd.in/g7fpPiiw

Bataa J. Development Bank of Mongolia’s Credit Rating Upgrade Opens the Door to Lower Interest Rates and Longer-Term Funding An international credit rating serves as a key indicator for foreign investors, especially lenders, bondholders, and direct foreign investors. As a result of this upgrade, DBM’s improved rating will facilitate access to funding at lower costs and more favorable interest rates for our current and future bond issuances. Investors look at a country's credit rating first, especially lenders and bond buyers, as well as direct foreign investors. Moreover, it also increases the likelihood of securing financing with longer terms. This improvement will directly benefit the projects and borrowers we finance by reducing loan interest rates and extending repayment terms, making it a crucial factor in supporting end borrowers. Additionally, DBM’s enhanced rating is expected to attract more interest from foreign investors in both current and future projects financed by the bank. https://lnkd.in/gbdhknrb

Санхүү Эдийн Засгийн Их Сургуулийн оюутнууд Хөгжлийн банкны үйл ажиллагаатай танилцлаа СЭЗИС-ийн Бизнес болон Худалдааны хөтөлбөрийн төгсөх ангийн оюутнууд Хөгжлийн банкны үйл ажиллагаатай танилцлаа. Энэ үеэр Экспорт, импорт, худалдааны санхүүжилтийн газрын Бүтээгдэхүүн хөгжүүлэлтийн хэлтсээс банкны чиг үүрэг, зээл санхүүжилтийн үйл ажиллагааны талаар оюутнуудад мэдээлэл өгч, сонирхсон асуултад хариулт өгсөн юм. Оюутнууд, төсөл хөтөлбөрүүдийг хэрхэн санхүүжүүлдэг, ямар шалгуураар зээл олгодог, санхүүжүүлсэн төсөл хөтөлбөрийн гүйцэтгэлийн хяналтаа хэрхэн хийдэг зэрэг асуултдаа хариулт авлаа. Тус үйл ажиллагаа нь оюутнуудын онолын мэдлэгийг практикт тулгуурлан гүнзгийрүүлэх, банкны бодлого, үйл ажиллагааг ойлгуулах, мэргэжлийн ур чадварыг хөгжүүлэхэд чухал ач холбогдолтой юм. https://lnkd.in/gYZu9X-9

S&P: Хөгжлийн банк бол экспортод чиглэсэн салбарууд болон эдийн засгийн хөгжилд зайлшгүй шаардлагатай төслүүдийг санхүүжүүлэгч гол байгууллага бөгөөд нийт зээлийнхээ хамгийн багадаа 60%-ийг уул уурхай, хөдөө аж ахуй, тээвэр зэрэг экспортод чиглэсэн салбаруудыг дэмжихэд зориулдаг. https://lnkd.in/gBtkt8ha

Монгол Улсын зээлжих зэрэглэлийг нэмэгдүүлээд байсан S&P агентлаг хөгжлийн болон экспорт-импортын банкны үүргийг хэрэгжүүлдэг цорын ганц банк болох Хөгжлийн банкны зээлжих зэрэглэлийг өсгөлөө Тодруулбал, улсын зээлжих зэрэглэл нэмэгдсэнтэй холбоотойгоор Хөгжлийн банкны урт хугацааны зээлжих зэрэглэл нэмэгдэн "B+/Эерэг" болоод буй. Түүнчлэн тус агентлаг Хөгжлийн банкийг одоогоор зээлийн эргэн төлөлтийг түргэсгэх болон банкны өмчлөлд шилжсэн хөрөнгүүдийг мөнгөжүүлэхэд анхаарч ажиллаж байгаа боловч ойрын жилүүдэд бодлогын зээл олголтыг аажмаар сэргээнэ гэж үзжээ. #зээлжих_зэрэглэл Lemon Press

“Бөөрөлжүүтийн нүүрсний уурхай” төсөл Хөгжлийн банкнаас 30 сая евро, 2.2 тэрбум иенийн санхүүжилтээр амжилттай хэрэгжиж байна ..“Цэцэнс Майнинг энд Энержи” ХХК нь Төв аймгийн Баян, Баянжаргалан сумдын нутагт жилд 3 сая тонн хүрэн нүүрс олборлох Бөөрөлжүүтийн хүрэн нүүрсний ордыг түшиглэн 600 МВт хүчин чадалтай цахилгаан станцын төсөл хэрэгжүүлж байгаа. Тус төслийн хүрээнд цахилгаан станцын эхний блокоо энэ сард ашиглалтад оруулж, туршилтын галлагааг эхлүүлсэн. ..Хөгжлийн банкнаас олгосон санхүүжилтээр Бөөрөлжүүтийн нүүрсний уурхайн Хөрс хуулалтын болон нүүрс олборлолтын зориулалттай машин, механизм, борлуулалтад ашиглах тээврийн хэрэгсэл, бусад машин, техник зэргийг худалдан авахад зарцуулжээ. Өөрөөр хэлбэл, Монгол Улсын эрчим хүчний салбарт үүсээд буй хомсдлыг бууруулж, эх үүсвэрийг нэмэгдүүлэх томоохон төслийн дэд бүтцэд Хөгжлийн банк хувь нэмрээ оруулаад байна. Тус компани нь зээлийн эргэн төлөлтөө хугацааны зөрчилгүй хуваарийн дагуу төлж байгаа юм. https://lnkd.in/gejSEm9n