Vestland fylkeskommune

Endeleg er alle tilsette på Leikanger samla under same (solcelledekte) tak! Det var ein stor dag i dag då alle møtte kollegaene sine igjen i det rehabiliterte fylkeshuset 🤝☀️👩💻 Sidan fylkessamanslåinga i 2020 har dei nær 250 fylkeskommunalt tilsette på Leikanger vore splitta på først to, og no det siste halvanna året, fire ulike stadar. Men no i dag – 24.10.24 – flytta alle inn i same, klimavenlege hus 💚🧱 – Det blir kjekt å få meir fellesskapskjensle når vi no blir samla. Dei midlertidige kontorlokala bar litt preg av at vi var «på besøk», og at det var litt tilfeldig kven som var der. Her blir vi meir del av ein arbeidsplass, fortel Tine Sille Svendsen i seksjon for plan, klima og analyse. Fylkeshuset frå 1989, som på utsida ser ganske likt ut, har fått seg ei totaloverhaling. Vi flyttar inn i eit moderne kontorbygg, med arbeidsstasjonar i minilandskap, enkeltkontor, møterom og sosiale soner. No ser vi fram til å ta huset i bruk for alvor med alt det inneber for det fylkeskommunale fellesskapet på Leikanger når det gjeld samhandling og kort veg mellom kollegaer 👌 – Dette er ein stor dag for både Vestland fylkeskommune og Leikanger. Endeleg får alle plass under same tak, skal ha lunsj i same kantine, og kan ta i bruk alle fasilitetane huset byr på saman. Vi skal ta ut mange gevinstar med dette bygget, der grunnlaget er eit godt arbeidsmiljø i gode omgjevnader. Med kort veg mellom kollegaer betrar vi samhandlinga. Med energieffektive og klimavenlege løysingar har vi redusert energitapet med 50 prosent gjennom rehabiliteringa. Eg er sikker på at dette får mykje å seie for det fylkeskommunale fellesskapet på Leikanger, seier fylkesordførar Jon Askeland 🎉 Les meir 👇 https://lnkd.in/dCHDK2jQ

Vi har nådd 8000 følgarar (hurra!🎉), og nokon meinte vi burde markere dette her inne. Men korleis? 🧐 Vi har lagt hovuda i bløyt. Vi har tenkt og grubla i dagar og netter, søkt og leita etter ei passande oppskrift på "det perfekte" LinkedIn-innlegget, sjølvsagt lagt ut på det beste tidspunktet, med akkurat passe emojis og hashtags og alle andre gode råd for at det skal nå ut til flest mogleg. Men vi vil heller høyre frå følgjarane våre! ❤️ Kanskje ikkje alle 8000, men gjerne nokre av dykk. Kva skal Vestland fylkeskommune vere på LinkedIn? Kva vil de sjå og lese meir av? Alle gode råd og innspel vert løna med hjarter og hyggeleg kommentar 😍 (Foto: Vestland fylkeskommune/Storebjørn media/Øystein Borge Kalsås)

Tidleg arbeidserfaring aukar sjansane for at unge vel ein karriere lokalt. Det har tidlegare suksessar som «Ung arbeidskraft t(i)l Nordfjord» vist oss. Saman med andre aktørar i fylket set vi no i gang prosjektet Sommarjobbar i Vestland i 2025 👩💻🌍☀️ Målet er å ✅ gje ungdomar og studentar arbeidserfaring ✅ hjelpe bedrifter å rekruttere unge talent ✅ gjere Vestland til ein meir attraktiv region for framtidige arbeidstakarar – Vi håpar prosjektet også kan bidra til å redusere utanforskap og styrkje samarbeidet mellom lokalt næringsliv og ungdomar, seier Oddmund Klakegg, leiar for hovudutval for næring i Vestland fylkeskommune. Prosjektet har eit totalbudsjett på rundt ein million kroner, og hovudutval for næring i løyvde denne veka 300 000 kr til satsinga 💰 Les meir 👇 https://lnkd.in/d4SwNsW7 Kompetanseforum Vestland | NHO Vestland | KS Kommunesektorens organisasjon | Per Odd Grevsnes | Helene Frihammer

Gratulerer med den første KomVest-prisen Bybanen Utbygging – vi er heldige som har dykk med på laget 🚊👏🏆 Kommunikasjonsforeningen Vestland har merka seg det gode arbeidet Ronny Turøy og Camilla Einarsen Heggernes har gjort med å kommunisere på vegner av eit gigantisk infrastrukturprosjekt. – Eit suksesskriterium er at vi som kommunikatørar jobbar tett integrert i prosjektet og er med på setje premissane for arbeidet. I Bybanen Utbygging har vi fått både tillit og handlingsrom til å utøve faget vårt – og det er ekstra gøy at det som vi gjer av usynleg arbeid også blir anerkjent med denne prisen, seier Turøy. Juryen for prisen har særleg merka seg det gode arbeidet Bybanen Utbygging har gjort for å kommunisere med naboane til byggeprosjektet, som opplevde støy-, støv- og trafikale utfordringar i byggeperioden. Særleg er bruken av AMEC, eit rammeverk for å kunne måle og evaluere kommunikasjonsabeid, nemnt av juryen. Bybanen har vunne prisar innan ei rekke fagfelt, no også innan kommunikasjonsfaget! Vi er stolte.

Gratulerer med 10-årsjubileum, Klimapartnere Vestland 💚🎂🌿 10 år med inspirasjon og samarbeid, klimaleiarskap og nye løysingar! Dette er berre starten. Vi ser fram til nye år der vi skal jobbe saman og dele grøne løysingar, kunnskap og erfaring 🙌 Renate Nedregård | Truls-Einar Johnsen | Arild Sondre Sekse

For å sikre seg framtidige tilsette har Vestland fylkeskommune inngått avtale med Høgskulen på Vestlandet (HVL). Fylkeskommunen kan vere med å påverke kva fag som er på timeplanen og på den måten vere med å utdanne nok folk til sine fagområde. Til gjengjeld skal fylkeskommunen vere med å styrke undervisningstilbodet innan veg, trafikk og arealbruk. Det vil mellom anna seie at studentar kan besøke veganlegga våre, søke sommarjobb hos oss og når Høgskulen spør stiller vi med gjesteforelesar. Dina Lefdal, direktør for infrastruktur og veg, signerte avtalen med Magnar Berge, assisterande instituttleiar på institutt for bygg-, miljø- og naturvitskap på Høgskulen på Vestlandet.

Viktig dag for kulturbyen Bergen: I dag er Sentralbadet AS stifta 🌟   No kan både bergenserar og vestlendingar sjå fram mot 2026. Då skal det nye, flotte kulturbygget stå ferdig i det som i si tid var den første symjehallen i Bergen 🎭 🏊♀️   Carte Blanche, BIT Teatergarasjen og andre aktørar frå scenekunstmiljøet skal nytte det "nye" Sentralbadet. I bygget blir det blant anna to store scenerom med 150 og 300 sete i eit skyvbart amfi. Det blir fleire studio, kontorareal og kafé/restaurant 🎶🎬🎸   Jacob Nødseth, leiar for hovudutval for kultur, idrett og inkludering, signerte stiftingsprotkollen på vegner av Vestland fylkeskommune, som er ein av fire eigarar. Dei andre tre er Bergen kommune, BIT Teatergarasjen og Carte Blanche. 

Gratulerer Vossabia AS med Bedriftsutviklingsprisen i landbruket 2024 🐝 🏆 Renate Lunde driv og eig garden på Bulken ved Voss. Garden og ressursane der er sjølve kjernen i Vossabia. Med hud- og hårpleieprodukt, omvisingar, utstrekt formidlingsaktivitet med føredrag, kurs og opplevingar på garden, jobbar Lunde med å auke bevisstheita om ressursar som finst på ein gard og naturen rundt 🐝☘️ Vossabia nyttar lokale, økologiske råvarer som honning, bivoks og ville urter i hudpleieprodukta sine som sikrar høg kvalitet og berekraft. Ved å lage verksame produkt av det andre bønder kallar ugras, har Vossabia blitt ein pioner innan naturleg kosmetikk 🐝 – Hovudmålet i temaplan landbruk er at Vestland skal vere eit nyskapande landbruksfylke, basert på berekraftig bruk av naturressursar, grøn næringsutvikling og innovasjon. Vinnaren er i høgste grad både innovativ og nyskapande, og såleis heilt i tråd med målet i temaplanen. Ho brukar også naturressursane på ein berekraftig måte til å utvikle næring, og det er mi store ære å gratulere Renate Lunde med ei svært vellykka og allsidig satsing på gardsbedrifta Vossabia. Eg ønsker deg og laget ditt lykke til i den vidare utviklinga av den framgangsrike bedrifta di, sa fylkesordførar Jon Askeland. Bedriftsutviklingsprisen i landbruket blir delt ut av Innovasjon Norge på oppdrag frå Landbruks- og matdepartementet. Det er ein bedrifts- og næringsutviklingspris for dei som har etablert ei vellukka bedrift eller næring med basis i ressursane i landbruket eller i bygda. Kandidatane vert vurdert etter kriteria berekraft og innovasjon/nyskaping i landbruket. Dei fylkesvise vinnarane deltek så i den nasjonale konkurransen om 250 000 kroner. Les meir 🐝 👇 https://lnkd.in/dEv7Xsk6

Vi har motteke Arbeidsmiljøprisen 2024 for arbeidet med å halvere sjukefråværet blant våre dyktige reinhaldarar 🎉😊 Prisen vart delt ut under Arbeidsmiljøkonferansen i Vestland sist veke. Vi mottok prisen for nærværsprosjektet «Tett på», der ein i to år har jobba aktivt med å redusere sjukefråværet hos dei nær 300 reinhaldarane i fylkeskommunen. Prosjektet definerte fleire delmål, blant anna: ✅Medarbeider som står i fare for å bli sjukemeld får tett og god oppfølging ✅Medarbeider får naudsynte hjelpemiddel og rettleiing for å førebyggje yrkesrelaterte skader ✅Gjennomføre aktivitetar med sikte på å betre arbeidsmiljøet og styrkje «vi-følelsen» blant medarbeidarane ✅Kompetansepåfyll ✅Reinhaldarane har ei aktiv rolle i samarbeid med skuleleiinga Og det beste av alt? Halveringa av sjukefråværet ser ut til å vere varig ❤️ Les meir om "Tett på": https://lnkd.in/d7Cwsztn

Det er litt av ein jobb å frakte ein 42 meter lang og 47 tonn bru gjennom trange gater. Snart får folk på Paradis ein tryggare måte å krysse bybanesporet og vegen på. Brua har to felt, eit til gåande og eit til syklande. Consto AS Royal HaskoningDHV Multiconsult CSUB Miljøløftet Royal Transport AS 🎥: Screen Story