Sèm los paures del Crist, los qu'an pas de teulat, los que fugisson de vila en vila coma d'anhèls caçats pels lops, sèm secutats coma o foguèron los apòstols e los martirs, malgrat lo fach qu'ajam una vida de las mai estrictas e santas, nos sometent jorns e nuèchs a l'abstinéncia, al jove e a las pregàrias, e en un trabalh dins lo qual cercam pas que las necessitats mai essencialas de la vida. Enduram aquò volontièr, perque sèm pas d'aquel mond. Mas vosautres, amoroses del mond, aimatz aqueste perque sètz de sa carn. Fals apòstols, polluïssètz la paraula del Crist, vosautres, que cercatz pas que vòstre pròpri interès, sètz menats, vosautres e vòstres mainatges, luènh de la vertadièra Via. Nosautres e nòstres paires, de davalada apostolica, avèm contunhats nòstra Via dins la Gràcia de Dieu, e demorarem fidèls fins a la fin de tempses. Per tal de nos distinguir de vosautres, lo Crist diguèsse : « Per lors fruches los coneisseretz ». Nòstres fruches son la continuitat dels ensenhaments del Crist.