Axencia para a Modernización Tecnolóxica de Galicia

👉 Onte xoves non faltamos en GaliciaTIC, que reuniu a máis de 250 expertos e profesionais para debatir o impacto da #IA na sociedade e o sector empresarial GaliciaTIC, o foro anual organizado pola Asociación de Empresas de Tecnología de Galicia #INEO, que celebrou así a súa vixésima segunda edición. Enfocouse no impacto da #IntelixenciaArtificial #IA tanto na vida cotiá como no ámbito empresarial, consolidándose como unha plataforma de aprendizaxe e networking no sector TIC galego. 👤 A xornada foi inaugurada pola conselleira de Economía e Industria da Xunta de Galicia, María Jesús Lorenzana, quen destacou o dinamismo do sector tecnolóxico en Galicia, cun crecemento do 4,2% no último ano, que suma xa case 4.200 empresas e emprega a case 30.000 persoas. 🗣 Ignasi Belda, director da recentemente creada AESIA - Agencia Española de Supervisión de la Inteligencia Artificial, abordou a importancia dun marco regulador sólido que permita o desenvolvemento seguro da IA en Europa. Belda explicou o novo regulamento europeo de IA, que clasifica as tecnoloxías de IA en catro niveles de risco. Subliñou que o 90-95% das aplicacións de IA actuais son de risco nulo, aínda que destacou que é esencial vixiar aquelas con un maior nivel de risco, especialmente se afectan dereitos fundamentais, o medio ambiente ou infraestruturas críticas. 📌 Nesta 22ª edición, que contou coa participación de 30 expertos, exploráronse os beneficios da IA e a tecnoloxía en xeral para as empresas, ademais dos desafíos éticos e de seguridade asociados. 📑 A programación de GaliciaTIC tamén incluíu mesas redondas sobre temas actuais como investimento sostible en tecnoloxía e estratexias para integrar varias tecnoloxías en favor da eficiencia. Ademais, celebrouse unha feira de emprego onde se conectou a empresas tecnolóxicas con máis de 180 estudantes de FP, universidades e escolas de negocios, quen tivo a oportunidade de explorar oportunidades laborais nun sector que xa representa o 3% do PIB galego. 🏅 GaliciaTIC 2024 reafirma o papel de Galicia como un referente en tecnoloxía e innovación, impulsando o crecemento do sector TIC rexional e explorando como a IA e as novas tecnoloxías poden mellorar a vida dos cidadáns e o futuro das empresas. ➕ Máis información nesta ligazón a Diario de Santiago: 🔗 https://bit.ly/3Ct3Jlr

👉 Rueda destaca a importancia da concienciación dixital para crear un territorio conectado e seguro 🗣 O presidente da Xunta de Galicia lembra aos escolares a importancia de “concienciarse de que as novas tecnoloxías son grandes oportunidades pero tamén son ameazas”. 🗣 Salienta o compromiso da Xunta en favor da protección de datos e da divulgación sobre os riscos que entraña navegar na Rede, a través de impulso de iniciativas como o Nodo CIBER.gal 🗣 Alfonso Rueda destacou hoxe a importancia da concienciación dixital na sociedade para crear unha Galicia máis conectada, á vangarda e segura. 👥 Así o salientou durante a súa participación na final do concurso "Ciberseguridade no cole!", no marco do IV Encontro CIBER.gal que se celebra estes días na Cidade da Cultura de Galicia, e onde mantivo unha charla co alumnado finalista. Neste sentido, destacou que nunha sociedade cada vez máis conectada, resulta fundamental que a cidadanía, tanto infantil como adulta, coñeza os perigos asociados ao uso de tecnoloxías dixitais. A este respecto, manifestou o compromiso da Xunta en favor da protección de datos e da divulgación sobre os riscos que entraña navegar na Rede. “É importante collades o hábito de ser ciberseguros para evitar moitos problemas e desfrutar moito das novas tecnoloxías, que son fantásticas”, asegurou. 👩💻 Neste sentido, Rueda resaltou a importancia destas iniciativas para dar a coñecer canto antes como usar as pantallas con responsabilidade e, do mesmo xeito, mostrar tamén posibles saídas laborais relacionadas co ámbito da #ciberseguridade, cada vez máis demandado polas empresas. 📘 Así mesmo, recordou a recente publicación por parte da Xunta dunha guía para o uso seguro de internet e redes sociais destinada á comunidade educativa, así como a realización de máis de 250 talleres sobre esta temática en centros educativos de toda Galicia. “Por moita protección que fagamos se non nos botades unha man non vai ser posible, por iso debedes estar atentos e avisar cando notedes algo raro”. 🤝 Compromiso coa responsabilidade Durante o acto, o presidente da Xunta lembrou o impulso hai catro anos do Nodo CIBER.gal –impulsado polo Goberno galego en colaboración do INCIBE - Instituto Nacional de Ciberseguridad , o CCN-CERT Centro Criptológico Nacional, as catro deputacións provinciais (Deputación da Coruña Deputación de Pontevedra Deputación de Lugo e Deputación de Ourense), a Federación Galega de Municipios e Provincias FEGAMP xunto con esta Axencia– como espazo de colaboración público-privado e que conta xa con máis de cincuenta empresas e institucións centradas na protección da información e dos datos. Así mesmo, fixo referencia ao novo Centro de Excelencia en Ciberseguridade de Ourense, o cal se espera que estea operativo a principios de 2026, como parte do obxectivo de dotar a Galicia das infraestruturas necesarias para liderar a #ciberseguridade no ámbito estatal. ➕ Toda a información, nesta ligazón á nosa web: 🔗 https://bit.ly/3AExmzK

❓ Que é #FormaciónDixital? 👉 Un programa gratuíto, en liña e titorizado que a Xunta de Galicia pon a disposición para que toda a cidadanía acade #competenciasDixitais intermedias. ❓ Cal é o formato do curso? 🗓 A formación terá unha duración de 10 semanas nas que o alumnado poderá desenvolver o curso ao seu propio ritmo. 👩💻 A aprendizaxe será guiada e titorizada. Realizaranse sesión grupais de acompañamento con especialistas para resolver dificultades e retos. 💻 O temario desenvolverase dunha forma amena e atractiva mediante contidos formativos, actividades prácticas e material complementario. 📝 Para finalizar o curso, os participantes terán que aprobar de manera obrigatoria o 80% das actividades avaliativas. 👌 Non é preciso cumprir requisitos previos ❓ Cal é o temario? ✅ Test autodiagnóstico do nivel de competencias ✅ Consulta e xestión da información dixital ✅ Comunicación e colaboración ✅ Creación de contidos dixitais ✅ Benestar dixital: seguridade e privacidade ✅ Marco dixital e resolución de problemas ✅ Avaliación final e diploma de acreditación ❓ Onde é posible atopar máis información? 🖥 www.formaciondixital.gal 📱 Teléfono e Whatsapp: 646 829 056 📨 Correo electrónico: info@formaciondixital.gal 💶 Coa financiación de Fondos Next Generation EU

👉 O conselleiro de Facenda e Administración Pública Miguel Corgos inaugurou hoxe o IV Encontro Galego de Ciberseguridade que se está a celebrar na Cidade da Cultura de Galicia 👥 Este IV Encontro Galego de Ciberseguridade abriu as súas portas, esta mañá, con 2.600 persoas inscritas e máis de 60 expertos abordarán os retos da #ciberseguridade para a cidadanía, as administracións públicas e as empresas 🗣️ O conselleiro animou hoxe a adaptar e actualizar os coñecementos e os mecanismos de resposta para loitar contra os ciberataques, ante o incremento exponencial do uso malicioso e malintencionado das tecnoloxías. Durante a inauguración, Miguel Corgos subliñou que os rápidos e continuos avances tecnolóxicos serven para mellorar o benestar e a calidade de vida das persoas. Tamén para ter uns servizos públicos e da Administración cada vez máis eficaces e para que os sectores produtivos xeren máis riqueza. Porén, lembrou que xunto con estes beneficios, os delitos informáticos duplicáronse nos últimos 4 anos. A aposta da Xunta de Galicia pola #ciberseguridade foi clara desde o principio, con énfase na colaboración e o intercambio de información e experiencias, como a sinatura de acordos de colaboración co INCIBE - Instituto Nacional de Ciberseguridad e co CCN-CERT Centro Criptológico Nacional, agora en proceso de renovación, tras 5 anos de vixencia. ❗ Destacou tamén a colaboración entre esta Axencia e a Escola Galega de Administración Pública - EGAP , que permite o desenvolvemento anual do Curso Superior de Ciberseguridade, así como cursos de formación continua neste tema destinados ao persoal empregado público de Galicia. 📌 O conselleiro de Facenda fixo fincapé tamén na comunicación directa e continua coa cidadanía, a través de campañas de concienciación ou do portal CIBER.gal, que centraliza toda a información e ofrece mecanismos de consulta e comunicación de dúbidas ou incidencias. 💪 Retos de futuro ✅ Miguel Corgos afirmou que o Goberno galego está a promover o incremento das capacidades de defensa das empresas da comunidade, sobre todo das pequenas, xa que pouco máis da metade das que teñen menos de 10 persoas empregadas utiliza medidas de seguridade nas súas TiCs. ✅ Para iso son precisas infraestruturas que axuden na prevención, como o Centro de Excelencia en Ciberseguridade de Galicia que se está construíndo no Parque Tecnolóxico de Galicia, S.A. #Tecnópole, en Ourense, e ao que se lle destinan uns 6M€. ✅ Nesta liña, Corgos puxo en valor tamén a creación dunha rede de laboratorios e centros demostradores en ciberseguridade, en colaboración con institutos tecnolóxicos e universidades, como parte dun proxecto RETECH que implica a tres Comunidades autónomas (Galicia, Cataluña e Valencia). Esta iniciativa posibilitará a creación dun centro transrexional de innovación e competencia no ámbito da ciberseguridade, cun orzamento de 58 M€, dos que 19 M€ corresponden a Galicia. ➕ Toda a información nesta ligazón á nosa web: 🔗 https://bit.ly/3YAhFSm

📺 Xa está dispoñible o programa #BosDías da Corporación Radio e Televisión de Galicia de hoxe mércores, que se desprazou á Cidade da Cultura de Galicia para dar conta desta xornada inaugural do IV Encontro Galego de #Ciberseguridade. 🗣 Inclúe a entrevista ao noso director Julián Cerviño, na que fala da importancia da concienciación á cidadanía, empresas e institucións. 👉 Durante o seu saúdo inicial neste IV Encontro Galego de Ciberseguridade Cerviño destacou a consolidación deste encontro como un evento de referencia en España e agradeceu o traballo dos equipos de #ciberseguridade da Xunta de Galicia. ▶ https://bit.ly/3UEKcVM

👉 Lembra que xa podes formarte de balde en competencias dixitais! 💻 A dixitalización é unha realidade en moitas das actividades cotiás: pedir unha cita médica, reservar unha cea ou facer a compra para que nola leven a casa. 👩💻 Se che custa levar a cabo estas accións ou se xa sabes facelas pero queres avanzar noutros temas de interese como a xestión das redes sociais, editar unha fotografía ou coñecer o funcionamento da #IA, #FormaciónDixital é para ti. ✅ Un programa que a Xunta de Galicia facilita á cidadanía para acceder de xeito totalmente gratuíto ás competencias dixitais intermedias. 📌 100% gratuíta, 100% en liña e 100% titorizada 📌 Poderás obter un Diploma acreditativo que emitimos desde esta Axencia 📌 Desenvolverase durante 10 semanas nas que será posible estudar o curso ao teu ritmo (sen horarios) 📌 A preparación é válida para obter o #ComDix 📝 Para finalizar o curso, o alumnado terá que aprobar de maneira obrigatoria o 80% das actividades avaliativas como demostración da adquisición de competencias. ✍ Inscrición: Podes facela desde aquí: https://lnkd.in/dwx3EYSc 👤 Contacto: 📞 Teléfono e Whatsapp: 646 829 056 📨 Correo electrónico info@formaciondixital.gal ℹ Toda a información na web www.formaciondixital.gal 💶 Coa financiación de Fondos Next Generation EU #FormaciónDixital #SomosDixitais

🗣 Adrián Lence: «Toda persoa que utilice un teléfono móbil vai ser un obxectivo para os criminais» O noso director da área de Infraestruturas e Seguridade avoga por priorizar a prevención sobre a reacción e cre clave potenciar as campañas de concienciación en empresas e cidadanía 👉 Antes do comezo do maior encontro sobre ciberseguridade que se celebra esta semana en Compostela, o noso director da área de Infraestruturas e Seguridade Adrián Lence debulla en entrevista para La Voz de Galicia os retos que afronta Galicia para facer fronte a unha delincuencia dixitalizada que evoluciona a pasos axigantados mentres ameaza a cidadanía, empresariado e institucións. 📰 Acceso á entrevista completa a través desta ligazón a La Voz de Galicia: 🔗 https://bit.ly/48we5gx

👉 A IV Edición de CIBER.gal esgota en menos de 15 días as 750 prazas presenciais para a xornada destinada á cidadanía O IV Encontro Galego de Ciberseguridade CIBER.gal esgotou en menos de 15 días as 750 prazas presenciais dispoñibles para o bloque destinado á cidadanía, aínda que é posible seguir este encontro de xeito online. Este récord de inscricións constata o interese pola temática do encontro, que conta con prazas presenciais e en streaming dispoñibles para os bloques temáticos orientados a empresas e administracións, que tamén están a rexistrar unha alta demanda. 👥 Este encontro reunirá os días 6, 7 e 8 de novembro na Cidade da Cultura de Galicia a máis de 60 expertos, que abordarán os retos da #ciberseguridade desde unha tripla perspectiva: social, empresarial e pública. A unha semana do evento hai máis de 2.300 persoas inscritas. As interesadas en participar aínda están a tempo de reservar a súa praza a través do portal ciberseguridadegalicia.gal, onde tamén se pode consultar o programa completo. 🆕 Como novidade nesta edición, realizaránse demostracións de produtos, servizos ou solucións de #ciberseguridade por parte dalgunhas das entidades que apoian o evento. Estas actividades tamén espertaron un gran interese e xa están completas as prazas para as demostracións de ciberseguridade, programadas para o 6/11, patrocinadas por Proofpoint, NTT DATA, Check Point, CTAG – Centro Tecnológico de Automoción de Galicia, Zscaler e SIA, así como as de obradoiros técnicos e talleres prácticos. 🎖Expertos O encontro contará coa participación, entre outros, do experto en ciberseguridade Chema Alonso, así como de representantes dos socios fundadores do #Nodo. Entre eles o INCIBE - Instituto Nacional de Ciberseguridad, que traerá á Cidade da Cultura a experiencia #roadShow e un expositor de ciberseguridade adaptado a tódolos públicos. Ademais David Amor achegarase en clave de humor á ciberseguridade cun monólogo. Un ano máis CIBER.gal contará coa colaboración da Escola Superior de Arte Dramática de Galicia coa posta en escena da obra "Hixiénico", na que se expoñerán as consecuencias do #cyberbulling. Tamén contará de novo coa colaboración dos coordinadores dos cursos de ciberseguridade dos centros de FP de Galicia que realizarán 4 talleres prácticos. 🤝Colaboradores Organizamos este Encontro CIBER.gal co Nodo Galego de Ciberseguridade coa colaboración do Colexio Profesional de Enxeñaría en Informática de Galicia, e co apoio de 20 entidades, entre as que destacan como patrocinadores VIP Gradiant e Telefónica e como patrocinadores estratéxicos Deloitte, ABANCA, Proofpoint, Grupo SIA, CrowdStrike e Check Point Software , ademais doutras 44 entidades entre patrocinadores innovadores, estándar e colaboradores. 🎯CIBER.gal busca fortalecer a conciencia dixital e as capacidades tecnolóxicas dos participantes, fomentando unha sociedade máis segura e preparada fronte aos desafíos da era dixital. ➕Máis información, nesta ligazón: 🔗 https://bit.ly/48xFU84

📰 Competencias dixitais, un “salto cualitativo” para toda Galicia 🗣️ O diálogo que organizamos con Faro de Vigo analizou o novo sistema de acreditación da Xunta de Galicia que permitirá a á cidadanía romper a fenda dixital e obxectivar os seus coñecementos 👉 A Estratexia Galicia Dixital 2030 #EGD2030 persegue entre os seus obxectivos promover unha sociedade dixital e inclusiva. Para iso establece actuacións que faciliten a adquisición de competencias dixitais destinadas a ampliar as oportunidades da cidadanía, o acceso ao emprego e a redución das fendas dixitais. 🥇 Froito desta aposta, Galicia converteuse en 2021 na primeira comunidade autónoma en adaptar a súa normativa ao marco europeo coa aprobación do Marco Galego de Competencias Dixitais, que foi pioneiro entre as CC AA españolas. Este Marco permitiu a creación da Certificación Galega de Competencias Dixitais #ComDix, que ofrece á cidadanía galega novas vías de formación e acreditación específicas. 📌 Deste novo sistema de acreditación galego, as súas implicacións nos ámbitos do emprego público e privado e o ámbito específico da educación así como das vías de formación accesibles a toda a cidadanía a través da #RedeCeMIT falouse onte mércores durante o almorzo informativo “Capacitación Dixital”. 📍 Un encontro celebrado nas instalacións do diario e moderado polo seu director de IT de Faro Bruno Rodríguez, que reuniu a Andrés Freire, o noso xefe do departamento de Medios e Capacitación Dixital; Miguel Rodríguez Quelle, o noso director de Área de Sociedade Dixital; Carlos Vázquez Mariño, director do Centro de Novas Tecnoloxías de Galicia; e José Alberto Hernández, xefe do Servizo de Programas de Formación da Consellería de Educación, Ciencia, Universidades e Formación Profesional. 🗣 «O primeiro obxectivo deste novo marco é dotar á cidadanía galega dos coñecementos e ferramentas necesarios para salvar a fenda dixital e axudar a que a tecnoloxía estea ao servizo da sociedade e non á inversa», introduciu Andrés Freire, para pasar ao segundo obxectivo, consistente en «obxectivar» estes coñecementos a través dun sistema de acreditación específico que contemple distintos niveis. 📝 Un contexto no que a Xunta de Galicia acaba de lanzar as dúas primeiras convocatorias de exame para o nivel de iniciación, dotadas con 2.400 prazas, e que están a permitir á cidadanía empezar a acreditar oficialmente os seus coñecementos dixitais a empresas e institucións. Esta nova certificación irase ampliando con sucesivas convocatorias en 2025 e dotará ás entidades públicas e privadas dun mecanismo para avaliar obxectivamente a formación específica das persoas aspirantes a un emprego. 🆕 Tanto Freire como Miguel Rodríguez Quelle coincidiron en sinalar que este modelo nace con vocación de «estar vivo», nun «proceso de revisión continua», que se adapte a novidades como as que traerá consigo, por exemplo, o desenvolvemento da #IA. ➕ Contidos completos nesta ligazón: 🔗https://bit.ly/3YqseHC

👉 Esgotáronse as prazas para asistir de xeito presencial ás actividades reservadas para a cidadanía durante o IV Encontro Galego de Ciberseguridade, que organizamos co Nodo Galego de Ciberseguridade coa colaboración do Colexio Profesional de Enxeñaría en Informática de Galicia Sen embargo, aínda é posible que o público pertencente ás administracións públicas e o tecido produtivo poida facer reservas de prazas para as actividades presenciais programadas para eles. ➡ Esta cuarta edición de CIBER.gal ofrecerá talleres, conferencias, paneis de debate, representacións teatrais e concursos de #ciberseguridade. O evento conta co apoio dunha vintena de entidades patrocinadoras, entre as que destacan como patrocinadores VIP Gradiant e Telefónica e como patrocinadores estratéxicos Deloitte, ABANCA, Proofpoint, Grupo SIA, CrowdStrike e Check Point Software. ▶ Máis sobre o IV Encontro Galego de Ciberseguridade neste vídeo