Íslandsbanki

Bankinn hefur birt uppgjör fyrir þriðja ársfjórðung 2024. Nánari upplýsingar má nálgast á vef bankans.

Við áttum afar ánægjulega stund saman á dögunum þegar fulltrúar góðgerðarfélaga, hlauparar, starfsfólk og stuðningsaðilar komu saman á uppskeruhátíð áheitasöfnunar Reykjavíkurmaraþons Íslandsbanka í höfuðstöðvum okkar í Norðurturni. Met var slegið í söfnun áheita í ár og er heildarfjárhæð söfnunarinnar frá upphafi rúmlega 1,8 milljarðar króna. Íslandsbanki er stoltur aðalstuðningsaðili Reykjavíkurmaraþonsins og erum við þakklát þeim góðu viðtökum sem söfnunin hefur fengið í gegnum árin. Þeir fjármunir sem safnast skipta miklu í starfsemi þeirra félaga og samtaka sem njóta góðs af henni. Lesa meira 👉 https://lnkd.in/eyiAEb-J

Við erum stolt af því að Íslandsbanki hafi hlotið viðurkenningu Jafnvægisvogarinnar 2024, sjötta árið í röð. Þessi viðurkenning, veitt af FKA, undirstrikar skuldbindingu okkar til að auka jafnrétti og fjölbreytileika í stjórnunarstöðum. Íslandsbanki hefur frá árinu 2019 verið hluti af sívaxandi hópi fyrirtækja sem vinna að þessu markmiði, og í ár hlutu 130 fyrirtæki viðurkenninguna. Við störfum eftir skýrri jafnréttisstefnu sem hvetur okkur til að gera betur á hverju ári, þannig að við séum áfram hreyfiafl til góðra verka.

Korn Íslandsbanka kom út í dag en þar birti Greining bankans nýja verðbólguspá. Gangi spáin eftir mun verðbólga mælast 5,2% í október og undir 5% í árslok. Fróðlegt verður að fylgjast með verðbólgutölum októbermánaðar en þær verða þær síðustu til að líta dagsins ljós fyrir síðustu vaxtaákvörðun ársins.

Opnað hefur verið fyrir umsóknir í Frumkvöðlasjóð Íslandsbanka. Við viljum vera hreyfiafl til góðra verka í samfélaginu, meðal annars með því að hvetja til nýsköpunar og þróunar og styðja við bakið á frumkvöðlaverkefnum. Við trúum á góðar hugmyndir, er komið að þér og þínu verkefni? 💫

Festi og Olís, dótturfélag Haga, hafa sameiginlega ákveðið að setja eignarhluti félaganna í Olíudreifingu ehf. í formlegt söluferli. Meginstarfsemi Olíudreifingar er birgðahald og dreifing á eldsneyti um land allt. Fyrirtækjaráðgjöf Íslandsbanka hefur verið falin umsjón með söluferlinu.

Í upphafi vikunnar héldum við Fjármálaþing Íslandsbanka þar sem yfir 350 gestir voru saman komnir á Nordica. Á dagskránni voru ýmis áhugaverð erindi, Kristin Hronn Gudmundsdottir opnaði þingið, Jon Bentsson kynnti ný útgefna þjóðhagsspá Greiningar Íslandsbanka, Runólfur Benediktsson fór yfir framþróun og fjárfestingar í landeldi á Íslandi ásamt því að Jon Kjartan Jonsson frá Samherja Fiskeldi fór yfir uppbyggingu þeirra í landeldi. Að lokum stýrði svo Edda Hermannsdóttir, líflegum pallborðsumræðum. Gestir pallborðsins voru þau Ásdís Kristjánsdóttir bæjarstjóri Kópavogsbæjar, Þorsteinn Már Baldvinsson forstjóri Samherja, Jón Ómarsson bankastjóri Íslandsbanka ásamt Finnur Oddsson forstjóra Haga. Við þökkum gestum þingsins kærlega fyrir komuna 💫

Það var mikil kvenorka í Marshallhúsinu þegar skálað var fyrir haustinu og konur fengu innsýn í líf frú Vigdísar Finnbogadóttur í gegnum tilfinningarrík orð Nínu Daggar. Nína leikur Vigdísi í nýjum þáttum úr framleiðslu Vesturports þar sem Íslandsbanki er stoltur bakhjarl.

Greining Íslandsbanka gaf í dag út nýja þjóðhagsspá um þróun efnahagsmála árin 2024-2026 og við mælum með lestri. Hér höfum við dregið saman það helsta en þjóðhagsspánna má nálgast í heild sinni í fyrstu athugasemd færslunnar.

Ársverðbólga hjaðnar í september samkvæmt Greiningu Íslandsbanka. Árvissir liðir vegast á í spánni ásamt því að gjaldfrjálsar skólamáltíðir koma við sögu. Hér höfum við dregið saman það helsta en Kornið má nálgast í heild sinni í fyrstu athugasemd færslunnar.