Síminn

Björgun, ráðstefna viðbragðsaðila fer nú fram í Hörpu en þar má sjá stærsta björgunarbíl landsins sem er sérsmíði Björgunarfélags Hornafjarðar. Bíllinn er sá fyrsti á landinu sem búinn er færanlegum farsímasendi, lausn sem þróuð er af starfsfólki Símans en með honum má stórbæta farsímasamband tímabundið ásamt því að með sérstökum búnaði er hægt að nýta gervitungl þegar allt annað þrýtur. Við erum afskaplega stolt að leggja Björgunarfélagi Hornafjarðar lið og nýta þekkingu okkar og búnað til að efla þeirra mikilvæga starf.

Við buðum meðlimum Vertonet og /sys/tur í heimsókn á dögunum og þökkum við kærlega öllum þeim sem litu við. Í heimsókninni fóru konur og kvár í tæknistörfum hjá Símanum frá helstu verkefnum, áskorunum og framtíð og í lokin var gott spjall enda alltaf gott og mikilvægt að efla tengslin. Takk fyrir okkur 💙

Tækni til góðs! Við mælum með Graphogame, lestrarleik sem hentar frábærlega til að kenna og þjálfa byrjendur í lestri en hann hentar fyrir öll börn, sérstaklega þau sem mögulega eiga í einhverjum lestrarvanda. Rannsóknir sýna að nemendur sem spila leikinn ná betri árangri í lestri og ánægjulegt er að þeir nemendur sem stóðu illa í upphafi bættu sig mest. Graphogame er ókeypis í App Store og Play Store en dótturfélag okkar Billboard stendur að baki útgáfu leiksins ásamt Tryggva Hjaltasyni. Prófanir fóru fram hjá 1. bekkingum í Kópavogi á síðasta skólaári og niðurstaðan var virkilega jákvæð, nemendur skemmtu sér á sama tíma og þeir stórbættu árangur sinn.

Símamótið verður haldið í 40. sinn í ár og í tilefni þess höfum við gefið út sérstakt Símamótslag þar sem öllu er tjaldað til 🎶 Mótið hefur í gegnum tíðina skipað mikilvægan sess í lífi ungra knattspyrnukvenna og er það okkur hjá Símanum mikill heiður að taka þátt í að skapa þetta stórkostlega mót, sem er það fjölmennasta á Íslandi. Á Símamótinu stíga margar knattspyrnustelpur sín fyrstu skref og fjölmargar landsliðskonur hafa þar látið ljós sitt sína á yngri árum ⚽️ Nú eru akkúrat tvær vikur í að 40. mótið verði sett og hvetjum við því öll til að setja Áfram stelpur (allar sigra) á fóninn og hækka vel 👏 https://lnkd.in/eQ4gqUv3

Dreymir þig um að vinna á framsæknum vinnustað með einstöku mötuneyti og og góðu kaffi? Við leitum að sérfræðingi sem hámarkar jákvæða upplifun viðskiptavina Símans og verkefnastjóra til að leiða stærri verkefni þvert á deildir Símans 💙

Í dag fer nýtt viðmót Sjónvarps Símans í loftið, við erum afskaplega stolt af þessari uppfærslu. Hið nýja útlit kemur hjá öllum viðskiptavinum næstu daga en Apple TV-notendur fá uppfærsluna síðar í sumar. Ítarlegar notendaprófanir fóru fram við hönnun viðmótsins ásamt því að nýjustu straumar og stefnur úr heimi viðmótshönnunar koma hér fram í frísklegu og nýju útliti sem leyfir öllu því frábæra efni sem hægt er að nálgast í Sjónvarpi Símans að njóta sín. Vonum að þið verðið jafn ánægð og við með útkomuna👌

Síminn hefur undirritað kaupsamning á öllu hlutafé Noona Iceland ehf. sem heldur utan um innlendan rekstur Noona. Í framhaldinu mun dótturfyrirtæki Símans, Síminn Pay stýra sameiginlegum rekstri fyrirtækjanna ásamt því að þróa nýjar lausnir Símans Pay inni í vistkerfi Noona, viðskiptavinum til hagsbóta. „Með kaupum Símans á einu öflugasta markaðstorgi Íslands, Noona, teljum við Símasamstæðuna styrkja sig enn frekar sem eitt öflugasta þjónustufyrirtæki landsins. Við munum reka Símann Pay og Noona á Íslandi saman til að bjóða viðskiptavinum beggja fyrirtækja upp á enn betri þjónustu og upplifun” segir Orri Hauksson, forstjóri Símans.

Við erum að springa úr stolti yfir því að netsérfræðingurinn okkar, Hermann Ingi Dagnýjarson er fyrstur Íslendinga og mögulega sá sterkasti 💪 til að hljóta netöryggisgráðu Fortinet (Fortinet Certified Expert in Cybersecurity). Hermann sinnir ráðgjöf og rekstri netkerfa fyrir viðskiptavini Símans á fyrirtækjamarkaði og er hluti af öflugu teymi sem tryggir frábæra og örugga upplifun. Til hamingju Hemmi! 👏👏

Opið er fyrir umsóknir í Samfélagssjóð Símans fyrir konur og kvára sem hefja nám í tæknigreinum við Reykjavik University í haust. Þetta er í þriðja sinn sem Síminn greiðir skólagjöld fimm nemenda og þannig viljum við auka fjölbreytileika innan upplýsingatækninnar í samstarfi við HR. Hvetjum verðandi nemendur til að sækja um og foreldra að benda börnum sínum á þetta tækifæri.

Síminn og Rafíþróttasamtök Íslands ætla saman að efla rafíþróttir en RÍSÍ mun nýta sér sjónvarpskerfi Símans til að koma fjölbreyttri dagskrárgerð sinni heim í stofu til landsmanna sem og í snjalltæki. „Rafíþróttir hafa skotist upp á stjörnuhimininn síðan Síminn hélt fyrsta rafíþróttamót landsins, Skjálfa árið 1998. Með þessu nýja samstarfi við RÍSÍ tökum við saman næstu skref og styðjum áframhaldandi vöxt rafíþrótta á Íslandi. Rafíþróttir eru stór og mikilvægur hluti af íþrótta- og tómstundalífi Íslendinga og útsendingar frá þeim eru ekki bara vinsælt sjónvarpsefni heldur líka frábær afþreying.“ segir Birkir Ágústsson dagskrárstjóri innlendrar dagskrárgerðar hjá Símanum og fyrrum keppandi í Quake.