Колориметрия (илим)
Колориметрия — түстү өлчөө жана аны сан жагынан туюнтуу ыкмалары жөнүндөгү илим.
Ал 3 негизги түстү тандап алган тутумда түстүн координатасын аныктайт. Колориметрияда түстүн мүнөздөмөсү үч өлчөм, башкача айтканда сан жагынан өз ара байланышкан үч параметр менен туюнтулат. Ошондуктан, колориметрияда түс сызыктуу мейкиндиктеги үч компоненттүү вектор катары сүрөттөлөт. Мүнөздөлүүчү нурланууну туюнткан үч нурлануунун түсү негизги түстөр деп аталат. Ар бири калган экөөнүн кошулушу аркылуу алынбай турган каалаган үч түс негизги түстөрдү түзөт. Кызыл, жашыл жана көк сыяктуу негизги түстөрдөн турган колориметриялык система өтө кеңири колдонулат. Булардын аралашмасынан турмушта кездешкен бардык түстөрдү алууга болот.
Булактар
[түзөтүү | булагын түзөтүү]- «Кыргызстан» улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9