Sindrom de Stendhal
La sindrom de Stendhal es un disturba psicosomatica cual es asosiada con bate rapida de cor, desmaia, confusa e an alusinas. On dise ce lo aveni cuando on es esposada a objetos o fenomenos de belia grande.
Istoria
[edita | edita la fonte]
La maladia ia es nomida per la scrivor franses Stendhal de la sentenio 19 (nom falsa de Marie-Henri Beyle), ci ia descrive sua esperia con la fenomeno en sua viaja a Firenze de 1817 en sua libro Napoli e Firenze: Un viaja de Milano a Reggio. Cuando el ia visita la Basilica de Santa Croce, do Niccolò Macchiavelli, Michelangelo e Galileo Galilei ia es enterada, el ia es saisida par un emosion forta. Stendhal ia scrive:
Me ia es en un spesie de estasia, par es en Firenze, prosima a la omes grande de cual me ia vide la petras de tomba. Me ia es asorbeda en la contempla de acel belia meraveliosa [...]. Me ia ateni la momento en cual on ia esperia sentis sielal. Tota ia parla vivente a mea spirito. A, se me ta pote oblida. Mea cor ia palpita, lo cual on clama 'nervos' en Berlin. La vive ia es drenada de me. Me ia camina e ia teme ce me cade.[1]
An ce la psicolojistes ia discute longa si la sindrom de Stendhal esiste, la efetos parente es ja sufisinte per reseta atende medical.[2] La empleadas de la ospital de Firenze Santa Maria Nuova es abituada a turistas ci sufri mareas e desorientas pos ce los vide la sculta de David, la obras de arte de la Galeria de Uffizi o las relicas de la site Toscana.[3]
An ce on ave multe atestas de persones cual ia desmaia cuando los oserva la arte de Firenze, an de la comensa de la sentenio 19, la sindrom ia es nomida sola en la anio 1979; cuando lo ia es descriveda de la psiciatra italian Graziella Magherini, ci ia oserva plu ca 100 casos simil entre turistas de Firenze. On no ave atestas sientiste cual defini la sindrom de Stendhal como disturba psiciatrica spesial, ma on ave atesta cual mostra ce la esposa a la arte ativi la mesma partes serebral ca aceles asosiada con respostas emosional.[4]
Un atesta plu resenta de la sindrom de Stendhal ia aveni en 2018 cuando un visitor de la Galeria de Uffizi ia sufri un infarta cuando el ia contempla la 'Nase de Venus' de Sandro Botticelli.[5]
Bibliografia
[edita | edita la fonte]- ↑ Chatzichristodoulou, Maria; Jefferies, Janis; Zerihan, Rachel, eds. (2009). Interfaces of Performance. Ashgate Publishing, Ltd. p. 196. ISBN 9781409486145.
{{cite book}}: Manteni de CS1: data autotraduida (link) - ↑ Nick Squires (28 julio 2010). "Scientists investigate Stendhal Syndrome – fainting caused by great art". The Daily Telegraph. London. Consultada en 1 otobre 2019.
{{cite news}}: Manteni de CS1: data autotraduida (link) - ↑ Nick Squires (28 julio 2010). "Scientists investigate Stendhal Syndrome – fainting caused by great art". The Daily Telegraph. London. Consultada en 1 otobre 2019.
{{cite news}}: Manteni de CS1: data autotraduida (link) - ↑ Innocenti, Claudia; Fioravanti, Giulia; Spiti, Raffaello; Faravelli, Carlo (1 marto 2014). "La sindrome di Stendhal fra psicoanalisi e neuroscienze" [The Stendhal syndrome between psychoanalysis and neuroscience]. Rivista di Psichiatria (en italian). 49 (2): 61–66. doi:10.1708/1461.16139. ISSN 2038-2502. PMID 24770571.
{{cite journal}}: Manteni de CS1: data autotraduida (link) - ↑ Jones, Jonathan (18 desembre 2018). "Stendhal syndrome: can art really be so beautiful it makes you ill?". The Guardian. Consultada en 27 novembre 2019.
{{cite news}}: Manteni de CS1: data autotraduida (link)