Викивидови
 | |
 Екранска снимка на почетната страница на Викивидови на 7 декември 2008 г. | |
Вид место | Именик на видови |
|---|---|
| Сопственик | Фондација Викимедија |
| Создавач | Бенедикт Мандл (предложил во 2004); Џими Велс и заедницата на Викимедија |
| Адреса | species.wikimedia.org |
| Комерцијално | Не |
| Зачленување | По избор |
Викивидови (анг. Wikispecies) — семрежен проект на основа на вики со поддршка од Фондацијата Викимедија. Има за цел да создаде опширен слободен каталог на сите видови и е наменет пред сè за научници наместо за пошироката јавност. Џими Велс, почесен претседател на Фондацијата Викимедија, изјавил дека уредниците не мора да ги поднесуваат нивните дипломи, но дека придонесите треба прво да поминат стручен преглед.[1][2] Викивидовите се лиценцирани со ГНУ-овата лиценца за слободна документација и CC-BY-SA 3.0.
Проектот е започнат во август 2004 г. со покана за учество до биолози ширум светот,[3] и досега има прераснато во поголем систем врз основа на Линеевата таксономија со врски до статии за поединечни видови Википедија, воспоставени во април 2005 г.[2]
На 10 октомври 2006 г., проектот надминал 75.000 статии, а на 20 мај 2007 г. надминал 100.000 статии со вкупно 5.495 регистрирани корисници. на 8 септември 2008 г. Викивидовите броеле 150.000 статии и вкупно 9.224 регистрирани корисници.
На 23 октомври 2011 г., достигната е бројката од 300.000 статии.
Правила
[уреди | уреди извор]Викивидовите имаат оневозможено локални подигања и наложува употреба на слики исклучиво од Заедничката Ризница. Не се дозволува употреба на содржини кои не се слободно лиценцирани.
Поврзано
[уреди | уреди извор]- Каталог на живиот свет
- Енциклопедија на живиот свет
- Проект Дрво на животот
- Обединет таксономски информативен систем
Наводи
[уреди | уреди извор]- ↑ „Повик за сите таксономи“ (PDF). Science. 307 (5712): 1021. 2005. doi:10.1126/science.307.5712.1021a. (англиски)
- ↑ 2,0 2,1 „Викивидови“. American Scientist Online. 25 април 2005. (англиски)
- ↑ Марк Пеплоу (2005). „Списокот на видови достигна половина милион“. Nature. doi:10.1038/news050314-6. (англиски)
Надворешни врски
[уреди | уреди извор]- Викивидови на македонски
- Викивидови на англиски
- Повелба на Викивидовите, напишана од Џими Велс (англиски)
| ||||||||
