Vitaminka A.D.

🥇 Стоби Флипс е најпрепознатлив бренд за 2024 година во категорија флипсови, а Брилијант во категорија сончогледово масло. Агенцијата за истражување и консалтинг Инсајдер ИД спроведе истражување „Најпознати брендови во 2024 година“ со што ги доби најпознатите брендови во државата според мислењето на потрошувачите. Целта на истражувањето е да се дефинираат позициите на брендовите согласно перцепцијата на потрошувачите и покажа дека Стоби Флипс ужива препознатливост од 86%, а Брилијант од 43%. ➡️ Во првата категорија, брендот Стоби Флипс остварува речиси изедначено учество со претходната година меѓутоа се уште го има највисокото учество во споредба со сите останати категории. Во позицијата на Брилијант, се забележува намалување на учеството за 6% во споредба со 2023 година. Четврта година по ред откако започна истражувањето на Агенцијата за истражување и консалтинг Инсајдер ИД, двата бренда на Витаминка се истакнуваат со најголема препознатливост. ➡️ Истражувањето е спроведено на репрезентативен примерок од 1 200 активни потрошувачи на територија на целата држава со користење на персонални интервјуа. Анализирани се вкупно 16 категории на производи, за кои што потрошувачите одговараа на прашањето кој е според нив најпознатиот бренд во одредена категоријата. 

Започнавме со караван во предучилишните установи за едукација за основните општествени вредности. Во повеќе од 80 предучилишни установи преку музичка претстава, интерактивна игра и забава најмладите ќе ги запознаваат овие вредности и ќе се едуцираат за емпатија, другарство, разбирање, почит на другиот и ценење на различностите. Преку овие активности, Витаминка се надева дека ќе го поттикне позитивниот развој на децата и ќе придонесе кон создавање на посветла иднина за сите. Повеќе информации: https://lnkd.in/dSx7bQQM

➡️ Денеска, на 31 октомври се одржува 10 FMCG Summit во хотел Александар Палас. И оваа година нѐ очекува одлична програма со локални и регионални говорници на теми кои го засегаат малопродажниот сектор. Oд продажба и преговарање, преку дигитализација и категориите производи и PL, до AI трендови и B2B комуникациски техники – годинешните говорници ги споделуваат искуствата и стратегиите за успешно делување во современиот бизнис амбиент. Дел од програмата ја вклучува и панел дискусијата посветена на законот за нефер трговски практики во синџирот на снабдување, каде се разгледаат важни аспекти и предизвици со кои се соочуваме. На годинешниот саем Витаминка учествува со присуство на нашите колеги Душица Неделкоска - маркетинг и ПР координатор, Душко Попски - регионален менаџер по продажба и Ангелчо Патоски - бренд менаџер. Витаминка ја има честа да биде долгогодишен партнер на ИнСторе и Кликер маркетинг организатор на FMCG Summit за што на јубилејното, 10то издание ни беше врачена благодарница како признание за дадената поддршка и успешно партнерство. 🤝

Чоколадните морски школки Атлантис добија розово издание со што дел од продажбата ќе биде наменет за пациентките со рак на дојка. Со облекувањето на Атлантис во розово, Витаминка ги помага жените кои се соочуваат со болеста и воедно влијае на зголемување на јавната свест за можноста од превенирање на болеста. Вклучувањето во борбата против ракот на дојка, компанијата го прави заедно со Здружението за иницијативи за развој во здравството, подобрување на здравствените сервиси и застапување на пациенти ЕЗРА, каде ќе бидат донирани средствата наменети за заболените. Истите ќе бидат употребени за нивните потреби на патот во справување со болеста. Витаминка преку розовиот Атлантис што се појавува во продажба неклку години во овој период, ги поддржува активностите на здружението и упатува апел до сите жени за поголема самосвест и редовни прегледи. ➡️ „Со ваквиот начин на поддршка што секоја година ја даваме, Атлантис стана симбол на борбата на жените кои се соочуваат со оваа болест. Подигањето на свеста за ова заболување е можеби единствениот начин за борбата против заболувањето, но за сите оние кои се соочуваат со болеста и започнуваат со лекување, потребно е да знаат дека имаат поддршка и дека не се сами во борбата против болеста”, велат од Витаминка. Розовиот Атлантис е веќе достапен во продажба.

➡️ На 22-23 октомври 2024 година во хотелот Александар Палас се одржа Digiton Конференцијата 2024. Овој дводневен настан ги собра водечките индустриски лидери, иноватори и ентузијасти за технологија за да ги истражат најновите достигнувања во Microsoft технологиите, деловните апликации, вештачката интелигенција и Power Platform. Витаминка имаше прилика да биде дел од настанот со присуство на нашите колеги Васко Наумоски ИТ менаџер, Филип Кузманоски ИТ администратор и Бранимир Димков, Шеф на сметководство.

Честити 11 Октомври - Денот на народното востание!

➡ На 07.10.24, се одржа Sales конгресот во Белград на кој учествуваа 70 панелисти кои го споделија своите искуства и најдобри пракси. Посебен фокус беше ставен на дигиталната револуција во продажбата и вештините кои ги карактеризираат најдобрите директори на продажба. Oд Витаминка присутни беа Владимир Трпаноски, директор на Продажен сектор 1-РМ, Петар Стојкоски, Директор на Продажен сектор 2-Србија, Љупчо Велески, Директор на Продажен сектор 3-Останат свет и Илија Наумоски, Помошник оперативен директор.

➡️ На 8 октомври во Белград, Србија се одржа 11тото советување за храна, исхрана и здравје организирано од IHIS NUTRICIONIZAM, Белград, Србија. На истото учествуваа стручни лица од прехранбените индустрии од Балканот, претставници од медицински, фармацевтски и технолошко-металуршки факултет, градски завој за јавно здравје на Србија, гранична санитарна инспекција, министерство за земјоделство, шумарство и водостопанство. Витаминка имаше прилика да биде дел од настанот со присуство на нашите колеги Олга Ристеска, Координатор за обезбедување квалитет, Ангела Талеска, Технолог за храна во Оддел за развој на производи и пакување и Ангела Тоневска Шеф на Оддел за развој на производи и пакувања.

Се одржа Wizz Air маратонот, а Витаминка беше дел од него! 🏃♀️ 11 вработени во нашата компанија зедоа учество во овој традиционален маратон. Бевме дел од големата позитивна енергија што го опфати градот. Wizz Air маратонот е навистина убав и интересен предизвик. Атмосферата беше неверојатна, а поддршката од луѓето што нè бодреа беше голема. Витаминка е секогаш таму каде што се случуваат добрите нешта. 😊

➡️ Во периодот од 2 и 3 октомври, се одржа конгресот European Hygienic Engineering & Design Group (EHEDG) на тема Постигнување хигиенска извонредност преку дизајн во Нант, Франција. Витаминка имаше прилика да биде дел од овогодинешниот конгрес со присуството на нашите колеги Олга Ристеска, Координатор за обезбедување квалитет, Жарко Качаков, Директор на Развој и Гордана Тошеска, Технолог за развој. Програмата EHEDG Congress 2024 се фокусира на иновациите и најдобрите практики во хигиенскиот дизајн во прехранбената индустрија. Ги опфаќа клучните теми како што се најновите трендови во безбедноста на храната, одржливите практики и интеграцијата на новите технологии во производните процеси. Сесиите имаа за цел да ги појаснат регулаторните барања и да покажат студии на случај кои истакнуваат ефективни хигиенски инженерски решенија. Дополнителната можност за вмрежување исто така ја поттикна соработката меѓу професионалците во индустријата. ➡️ "Постигнување хигиенска извонредност преку дизајн" ја нагласува важноста од интегрирање на хигиенските размислувања во процесот на дизајнирање на опремата и капацитетите за преработка на храна. Фокусот е на создавање системи кои спречуваат контаминација, ја подобруваат ефикасноста на чистењето и се усогласени со индустриските регулативи. Со приоритет на хигиенскиот дизајн од на почетокот, производителите можат да ја подобрат безбедноста на храната, да ги намалат ризиците и да обезбедат усогласеност, што на крајот ќе доведе до производи со повисок квалитет и поголема доверба кај потрошувачите.